8 чэрвеня ў Беларускім дзяржаўным музеі народнай архітэктуры і побыту пройдзе IV фестываль гістарычнай рэканстркуцыі «Над Менкай». Вас чакае пагружэнне у час Сярэднявечча, дзе вы зможаце: пазнаёміцца з клубамі гістарычнай рэканструкцыі і сярэднявечным боем, пастраляць з лука, паўдзельнічаць у шматлікіх майстар-класах, набыць вырабы сярэднявечных рамеснікаў, і іншае. Сардэчна запрашаем у наш музей, каб атрымаць часцінку Сярэднявечча!   Інфармацыя пра фестываль будзе дадавацца, сачыце за нашымі навінамі!

11 мая 2024 года з 14.00 да 15.30 Юр’я – свята ў гонар заступніка жывёл, ахоўніка жывёлагадоўлі і земляробства. У народзе лічылася, што Святы Юрый адмыкае залатымі ключамі зямлю і выпускае расу. З гэтага дня ўсё жывое пачынае расці з асаблівай моцай. Цудадзейная юраўская раса забяспечвала гаспадарам дастатак: «Калі будзе раса – хопіць коням аўса». Гаспадары ў гэты дзень першы раз выганялі статак на поле, здзяйснялі рытуальныя абыходы сваёй нівы, вадзілі карагоды, каб засцерагчыся ад пажараў і навальніц.Далучайцеся да нашага...

5 траўня 2024 года з 14:00 да 15:00 Вялікдзень – рухомае свята народнага календара, якое мае вельмі старажытныя карані. З гэтага часу ў нашых продкаў пачынаўся новы каляндарны год. Пазней да гэтага дня хрысцянская царква прымеркавала адно з найвялікшых хрысціянскіх святаў –  «Уваскрасенне Хрыстова». Свята распачыналася Усяночнай службай, на якой свяцілі пафарбаваныя яйкі, кулічы, пірагі. Галоўным сімвалам Вялікадня з’яўляецца яйка, якое ўвасабляе народныя ўяўленні пра жыццё, сонца, веснавое абуджэнне прыроды, перамогу...