+375 172905913 +375 175138610 museum@etna.by
Экспазіцыя працуе
11:00-19:00 (вт-вс)
Каса працуе
11:00-18:30 (вт-вс)
Музейна-педагагічныя заняткі
Галоўная Паслугі Музейна-педагагічныя заняткі
Музейна-педагагічныя заняткі

Беларускі дзяржаўны музей народнай архітэктуры і побыту рады прапанаваць вам музейна-педагагічныя заняткі ў школах і дзіцячых садках. Гэты напрамак работы - важная частка дзейнасці музея. Заняткі прадугледжваюць працу з дзецьмі рознага ўзросту з выкарыстаннем музейных прадметаў (арыгіналы, копіі, мадэлі) і прэзентацыю.

Засвойванне атрыманых ведаў ажыццяўляецца ў працэсе ролевых гульняў і іншых метадаў і прыёмаў. 

 

«Прывітанне, музей» (1-2 клас)

 

 Уступны занятак ўваходзіць у агульную праграму "Прывітанне, музей!". Усяго распрацаваны тры элемента гэтай праграмы: "Прывітанне, музей!" (Праводзіцца ў школе), экскурсія з інтэрактыўнымі элементамі "Пшанічны каласок" (праводзіцца ў музеі) і "Падарожжа ў краіну казак (праводзіцца ў музеі)". Злучаючым звяном тэм праграмы з'яўляецца народная архітэктура. Можна заказваць як усю праграму, так і яе асобныя часткі. 

 

«Народны ўзор» (3-4 клас)

 

 Музей прапануе пазнаёміць дзяцей з традыцыйным відам народнага дэкаратыўнага мастацтва, з арнаментам вытканым ці вышытым ўручную, яго сімволікай і значэннем. Падчас занятку выкарыстоўваюцца музейныя прадметы і прэзентацыя. 

 

«Кола часу» (1-11 класы)

Музейны занятак распавядае пра традыцыйныя абрады і святы беларусаў, якія раней праводзіліся на працягу ўсяго каляндарнага года. Вы даведаецеся, што рабілі нашыя продкі, каб паскорыць прыход вясны, атрымаць добры ўраджай і быць здаровымі і шчаслівымі напрацягу ўсяго года. Усе жадаючыя могуць наведаць наш музей і паўдзельнічаць у традыцыйных беларускіх святах.

 

«Вячоркі» (6-11 класы) 

 

Падчас занятка Вы даведаецеся, як моладзь бавіла час доўгімі зімовымі вечарамі ў мінулым стагоддзі, пачуеце цікавыя гісторыі знаёмстваў хлопцаў і дзяўчат, зможаце пабачыць музейныя прадметы, якімі карысталіся пры прадзенні і ткацтве. Напрыканцы занятка самыя кемлівыя змогуць паспаборнічаць у адгадванні беларускіх народных загадак і атрымаць за гэта невялікія падарункі ад нашага музея.

 

«Музычныя інструменты» (6-11 класы)  

 

Дуда, скрыпка і цымбалы — самыя вядомыя беларускія народныя музычныя інструменты. Пра вядомыя і забытыя, гучныя і ціхія, струнныя і духавыя, спосаб іх вырабу і гісторыю Вы даведаецеся на музейным занятку. Вы зможаце не толькі пабачыць, але і пачуць, як гучаць некаторыя беларускія народныя інструменты.

 

«Салдацкі куфэрак» (6-11 класы)

 

Занятак знаёміць з падзеямі Руска-Турэцкай, Першай сусветнай і Вялікай Айчыннай войнаў праз рэчы з салдацкага куфэрка. Вучні даведаюцца, з чым мужчына сыходзіў з дома на вайну, як змяняўся вайсковы рыштунак на працягу стагоддзяў. Увазе школьнікаў прадстаўлены разнастайныя гістарычныя крыніцы: прадметы этнаграфіі, пісьмовыя і рэчавыя помнікі, фатаграфіі.

 

 

«Традыцыйны беларускі строй» (7-11 класы)

Святочнае традыцыйнае адзенне з’яўляецца неад’емнай часткай беларускай культуры. Падчас занятка Вы пабачыце фотаздымкі жаночай і мужчынскай вопраткі, зможаце адрозніць жыхароў з розных куткоў Беларусі і даведацца пра незвычайныя назвы элементаў беларускага строя.

 

«Народныя абразы з калекцыі музея» (9-11 клас)

 

Занятак знаёміць з унікальнай з'явай - беларускімі народнымі абразамі, традыцыйнымі сюжэтамі і сімволікай.

«Беларускі лён» (3-11 клас)

Падчас занятку школьнікі даведаюцца аб этапах традыцыйнай апрацоўкі  ільну, прасочаць увесь шлях пераўтварэння сцябла ў нітку пазнаёмяцца з ткацкім рамяством, пабачаць асноўныя працы з ільняной сыравінай і нават самі змогуць паўдзельнічаць у гэтым працэсе.

«Гуляем масленку»

для дзяцей

(група да 25 чалавек)

Экскурсія знаёміць з святкаваннем аднаго з самых буйных традыцыйных святаў. Наведвальнікі даведаюцца аб тым, што рабілі ў кожны дзень масленічнага тыдню. Пабачаць лялечны тэатр “Батлейка”. Паўдзельнічаюць у майстар-класе па ляльках. Пагуляюць у традыцыйныя беларускія гульні і паводзяць карагод вакол Марэны.