28 верасня 2025 года

13:00

Узвіжанне – адно са значных хрысціянскіх святаў у гонар Крыжа, які з’яўляецца сімвалам выратавання чалавечага роду. Згодна з народнай традыцыяй,  Узвіжанне было пераломным момантам, калі прырода канчаткова паварочвалася  у  бок зімы, а восень ужо добра заяўляла пра сябе: «На Узвіжанне халат з плеч, а кажух на плечы».

У гэты дзень людзі баяліся хадзіць у лес. Па народных павер’ях на Узвіжанне з нораў выпаўзалі ўсе змеі і збіраліся разам, каб адправіцца на зімовы сон да вясны: «Дзвіжанне – гадзюкі здвігаюцца ў кучу».

Таму запрашаем усіх ахвотных наведаць Беларускі дзяржаўны музей народнай архітэктуры і побыту, каб акунуцца ў гісторыю свята.

Вас чакае:

• Расповед пра хрысціянскі і народны аспекты свята;
• Беларускія народныя казкі пра змей;
• Віктарына з падарункамі для актыўных удзельнікаў.

За дадатковую плату можна:

- набыць сувеніры ад народных майстроў;

- наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 13,00 руб.;
• студэнтаў вышэйшых устаноў адукацыі (студэнцкі білет) – 7,00 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 7,00 руб.;
• для дзяцей дашкольнага ўзросту – бясплатна.

Экспазіцыя музея працуе з 10:00 да 19:00. Каса працуе з 10:00 да 18:30.

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170с), Паварот да музея (150), Чыкі; маршрутныя таксі №№ 1111,1026.