Загадчык рэстаўрацыйнага аддзела:

Тэлефон: +375 17 5138610

Адным з важных напрамкаў дзейнасці музея з'яўляецца кансервацыя і рэстаўрацыя музейных прадметаў і навукова-дапаможных матэрыялаў з мэтай іх далейшага захавання выкарыстання. Выкананнем дадзенай задачы займаюцца супрацоўнікі рэстаўрацыйнага аддзела музея, якія даюць другое жыццё рухомым помнікам матэрыяльнай культуры: кераміцы, жывапісу, тэкстылю, пляценню, мэблі і інш. 

Рэстаўрацыя – паняцце комплекснае. Яна будуецца на стыку гуманітарных, прыродазнаўчых і тэхнічных навук. Рэстаўрацыя – гэта і творчасць. Творчасць, якая заключаецца не ў змаганні з аўтарам (гэта небяспечна і недапушчальна), а ва ўменні асэнсаваць месца помніка ў агульнай культуры, зразумець аўтара, яго задумкі, ва ўменні прааналізаваць гістарычны шлях помніка і выявіць галоўнае, ва ўменні выбраць шляхі і метады захавання ўсёй гістарычнай цэласці помніка.

Лёс помнікаў шмат у чым залежыць ад рэстаўратараў: ад іх ведаў, вопыту, узроўню падрыхтаванасці і адукацыі, ад разумення задач рэстаўрацыі, акрэсленых прафесійных навыкаў і прыёмаў.

Асноўныя задачы рэстаўратараўцыйнага аддзела:

• рэстаўрацыя і кансервацыя рухомых помнікаў;
• агляд музейных калекцый у экспазіцыі і ў памяшканнях, прыстасаваных пад фондасховішчы, з мэтай прафілактыкі і выяўлення прадметаў, якія патрабуюць неадкладнага рэстаўрацыйнага ўмяшання;
• кантроль стану помнікаў, якія прайшлі рэстаўрацыю;
• падрыхтоўка прадметаў да выставак і экспазіцый;
• вядзенне рэстаўрацыйнай дакументацыі.

Пры рэстаўрацыі прымяняюцца як вядомыя методыкі, так і распрацаваныя супрацоўнікамі аддзела. Як прыклад, методыка рэстаўрацыі прадметаў музейнай керамікі на аснове бутылметакрылата (БМК-5). Дадзеная тэхналогія добра сябе зарэкамендавала ў нестабільных ўмовах экспанавання і захоўвання.