Фотасправаздача «ЭТНАПІКНІК З БЕЛАРУСБАНКАМ»
Галоўная Падзеі Фотасправаздача «ЭТНАПІКНІК З БЕЛАРУСБАНКАМ»

Фотасправаздача «ЭТНАПІКНІК З БЕЛАРУСБАНКАМ»
Адпачынак на любы густ!

01 ліпеня 2017 года
з 11:30 да 16:00

1 ліпеня 2017 года на тэрыторыі Беларускага дзяржаўнага музея народнай архітэктуры і побыту пад Мінскам адбудзецца дабрачынны праект «Этнапікнік з Беларусбанкам».

Арганізатары падрыхтавалі дынамічную праграму ў лепшых беларускіх традыцыях, якая пачне працаваць з 11:30. Хэдлайнерамі музычнай часткі мерапрыемства стануць віртуоз гульні на балалайцы Аляксандр Варанішча і неафольк-рок гурт «Rokash».

Аматараў актыўных забаў чакае катанне на конях і поні, народныя танцы і палёты на мотапараплане, верталёце, паветраным шары, з якіх можна будзе аглядзець маляўнічае навакольнае асяроддзе Беларускага скансэна з вышыні птушынага палёту.

Пазнаёміцца з міфалогіяй Беларусі можна, прыняўшы ўдзел у квэсце «Таямнічая гісторыя». Тых, хто жадае паспрабаваць сябе ў рамёствах, чакаюць майстар-класы па вырабе лялек-мотанак, а таксама стварэнні традыцыйнага беларускага строю ўласнымі рукамі.

Займальныя зборныя экскурсіі дапамогуць усім жадаючым хаця б на 30 хвілін адчуць сябе часткай старажытных традыцый, даведацца якія былі ў беларусаў грошы і куды яны іх хавалі.

Усіх юных прыхільнікаў беларускай культуры і відэамастацтва чакае мультыплікацыйная праграма «Беларускія казкі» ў школе пачатку XX ст. з в. Калодчына.

Фудкорт зону ў традыцыях беларускай кухні забяспечыць «Беларуская карчма», якая працуе на тэрыторыі музея.

Сюрпрызы і розыгрыш падарункаў ад ААТ «ААБ Беларусбанк», спецыяльная зона для пікніка стануць прыемнымі дапаўненнямі для ўсіх тых, хто прыйдзе на свята.

Акрамя таго, наведвальнікі фэста змогуць зрабіць дабрачынныя ахвяраванні, пералічыўшы з дапамогай сайта SMSbilet.by суму ад 1 бел. руб. у падтрымку ўнікальнага музейнага комплекса пад адкрытым небам у в. Азярцо. Грошы, сабраныя падчас мерапрыемства, пойдуць адразу на рахунак музея, што дапаможа захоўваць унікальную калекцыю беларускай традыцыйнай драўлянай архітэктуры XVIII – XX стст.

Квіткі на мерапрыемства можна набыць у касе музея 1 ліпеня 2017 года: дарослыя – 8 руб., школьнікі – 4 руб., дашкольнікі – бясплатна.

«Этнапікнік 2017» пройдзе з 11:30 да 16:00.

Схему праезду глядзіце тут.

Арганізатары:

Беларускі дзяржаўны музей народнай архітэктуры і побыту

ААТ «АСБ БЕЛАРУСБАНК»

Экспазіцыя музея працуе з 11:00 да 19:00. Каса працуе з 11:00 да 18:30.

 

Чытайце таксама
Святочны фотапраект «Мама на ўсе часы»
327
Святочны фотапраект «Мама на ўсе часы»

Спецыяльна да Дня маці крыху замілавання і дабрыні!

Падарожжа ў музей на чырвоным аўтобусе!
268
Падарожжа ў музей на чырвоным аўтобусе!

Займальнае і запамінальнае падарожжа ў музей на двухпавярховым чырвоным аўтобусе.

Цалкам сакрэтна / бясплатна!
296
Цалкам сакрэтна / бясплатна!

Ух ты! 11 і 12 сакавіка – бясплатныя экскурсіі па сакрэтнаму аб'екту ў выходныя дні.

Развітанне са школай
432
Развітанне са школай

31.05(аўторак), экскурсійнае абслугоўванне па папярэдніх заяўках.