+375 172905913 +375 175138610 museum@etna.by
Экспазіцыя працуе
11:00-19:00 (ср-вскр)
Каса працуе
11:00-18:30 (ср-вскр)
Свята «Першы ўкос» (Музейная сенакосная талака)
Галоўная Падзеі Свята «Першы ўкос» (Музейная сенакосная талака)
Свята  «Першы ўкос» (Музейная сенакосная талака)
304

15 чэрвеня 2024 года

з 13.00 да 14.30

Першы ўкос – гэта спрадвечнае і важнае свята для нашых продкаў. На першы ўкос збіраліся ўсёй вёскай на вялікую талаку. Талакой называлі працоўную ўзаемадапамогу пры выкананні найбольш працаёмкіх работ у гаспадарцы.

Гэты калектыўны працоўны звычай – старажытны па сваім паходжанні і высакародны паводле характару дзейнасці. На талацэ, акрамя працы, людзі разам адпачывалі і спажывалі ежу, што таксама мела магічны сэнс. Сумеснае спажыванне кашы на полі павінна было прынесці ўрадлівасць зямлі і дабрабыт чалавеку, а таксама нагадвала пра прыналежнасць кожнага ўдзельніка талакі да агульнага калектыву. Частаванне напоямі сімвалізавала замаўленне вільгаці і плёну, паліванне вадой рук – забеспячэнне палеткаў вільгаццю. У час працы і на застоллі спявалі талочныя ці застольныя песні.

Беларускі дзяржаўны музей народнай архітэктуры і побыту запрашае далучацца ўсіх жадаючых да свята і пабачыць незвычайныя традыцыі на ўласныя вочы!

Вас чакае:

  • Расповед пра свята першага ўкоса, прылады працы на сенакосе і нарыхтоўку сена;
  • Талочныя і застольныя беларускія песні;
  • Урачыстае шэсце;
  • Конкурс на самага лепшага касца;
  • Майстар-клас па пакосу травы;
  • Майстар-клас па вырабу лялькі з травы;
  • Выстава «Традыцыйныя прылады сельскай гаспадаркі»;
  • Беларускія танцы і гульні пад скрыпку і гармонік.

За дадатковую плату можна:

- набыць сувеніры ад народных майстроў у касе музея;

- наведаць «Беларускую карчму», якая знаходзіцца на тэрыторыі музея.

Кошт квіткоў:

  • для дарослых – 14,0 руб.;
  • студэнтаў вышэйшых устаноў адукацыі (студэнцкі білет) – 7,0 руб.;
  • для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 6,0 руб.;
  • для дзяцей дашкольнага ўзросту – бясплатна.

 

Экспазіцыя музея працуе з 11:00 да 19.00. Каса працуе з 11:00 да 18:30.

 

Шаноўныя наведвальнікі!

  • Калі ласка, паклапаціцеся аб абутку і вопратцы згодна ўмоў надвор’я.
  • Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
  • На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.
  • Экскурсіі ў дзень мерапрыемстваў праводзяцца толькі па папярэднім запісе.

 

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170С), 150, Чыкі; маршрутныя таксі №1277, 1111, 1026.

Чытайце таксама
Свята «Масленіца-2024»
1450
Свята «Масленіца-2024»

  16 сакавіка 2024 года з 12.00 да 16.00 Масленка – даўняе свята заканчэння зімы...

Абрады на Каляды! Што захавалася да нашага часу?
1740
Абрады на Каляды! Што захавалася да нашага часу?

Рэпартаж тэлеканала АНТ пра мерапрыемства «Каляды»

Свята «Вадохрышча»
178
Свята «Вадохрышча»

Падчас Каляд вылучаліся тры найбуйнейшыя кропкі гэтага вялікага і па значнасці, і па...

Тэатральная пастаноўка "Збянтэжаны Саўка"
460
Тэатральная пастаноўка "Збянтэжаны Саўка"

13 сакавіка на базе Азярцоўскай СШ прайшоў дэбютны паказ пілотнага праекта Установы "Беларускі...