Фотасправаздача

«Абрадавае мерапрыемства

«Зялёныя святкі»

27 мая 2018 года

Зялёныя святкі (Сёмуха, Тройца) - старажытнае земляробчае свята ў беларусаў і іншых славянскіх народаў, якое адзначаецца на сёмым тыдні пасля Вялікадня і сімвалізуе канец вясны і пачатак лета, праз ушанаванне зеляніны, дрэў і кветак, якія знаходзяцца ў сваім росквіце.

У гэты час уся ўвага была скіравана да дрэў,  як да сакральных аб’ектаў, і самым ушанаваным дрэвам была бяроза. Менавіта ў яе вобразе ўшаноўваецца расліннасць – носьбіт жыватворчай моцы зямлі і сонца. Бярозка («май») была асноўным атрыбутам траецкай абраднасці. Яе ставілі на падворках, на ганку, ля брамы, бярозавымі галінкамі аздаблялі сцены хат. Пасля свята, гэтую зеляніну захоўвалі напрацягу года і верылі ў яе магічную абараняльную моц.

У гэты дзень беларусы сустракаюць росквіт прыроды карагодамі, песнямі, танцамі і варожбамі, што і адбывалася на тэрыторыі музея.