Вынікі канферэнцыі

«Памяць продкаў праз музейны свет (Мінулае, сучаснасць і будучыня музеяў пад адкрытым небам)»

7 снежня 2021 г. у будынку Музея сучаснай беларускай дзяржаўнасці (філіял Нацыянальнага гістарычнага музея) пад эгідай Міністэрства культуры Рэспублікі Беларусь адбылася арганізаваная Беларускім дзяржаўным музеем народнай архітэкруры і побыту рэспубліканская навукова-практычная канферэнцыя «Памяць продкаў праз музейны свет (Мінулае, сучаснасць і будучыня музеяў пад адкрытым небам)», прысвечаная 45-годдзю з дня ўтварэння Беларускага дзяржаўнага музея народнай архітэктуры і побыту.

Яна падвяла пэўныя вынікі навуковай і практычнай дзейнасці нашага музея за гэты перыяд, паказала, на якім этапе станаўлення знаходзіцца наша ўстанова. Канферэнцыя дала магчымасць супрацоўнікам Беларускага дзяржаўнага музея народнай архітэктуры і побыту і ішых музеяў падзяліцца назапашанымі ведамі і досведам.

Першы намеснік Міністра культуры Грамада В.І. урачыста ўзнагародзіў музей ганаровай граматай Міністэрства культуры Рэспублікі Беларусь за шматгадовую плённую дзейнасць па захаванні і папулярызацыі нацыянальнай культуры.