12 красавіка 2024 года

з 13:00 да 14:00

12 красавіка адзначаецца «Дзень касманаўтыкі», які прымеркаваны да першага палёту чалавека ў космас. Дадзеная тэма знайшла сваё адлюстраванне і ў творах выбітнога беларускага дзеяча Язэпа Драздовіча, які лічыцца пачынальнікам касмічнай тэмы ў беларускім выяўленчым мастацтве.

Дзейнасць Язэпа Драздовіча была вельмі разнастайнай і закранула, у тым ліку, археалогію, этнаграфію, гісторыю, літаратуру.

Запрашаем усіх жадаючых наведаць Беларускі дзяржаўны музей народнай архітэктуры і побыту, каб даведацца пра жыццёвы і творчы шлях Язэпа Драздовіча, а таксама пабачыць копіі некаторых яго прац.

Вас чакае:

• Расповед пра жыццё і дзейнасць Язэпа Драздовіча;
• Экскурсія па сядзібе з в. Варашылкі Мядзельскага раёна.

За дадатковую плату можна:

- набыць сувеніры ад народных майстроў у касе музея;

- наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 12,00 руб.;
• студэнтаў вышэйшых устаноў адукацыі (студэнцкі білет) – 6,00 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 6,00 руб.;
• для дзяцей дашкольнага ўзросту – бясплатна.

Экспазіцыя музея працуе з 11:00 да 19:00. Каса працуе з 11:00 да 18:30.

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170с), Паварот да музея (150), Чыкі; маршрутныя таксі №№1277,1111,1026.