+375 172905913 +375 175138610 museum@etna.by
Экспазіцыя працуе
11:00-19:00 (ср-вскр)
Каса працуе
11:00-18:30 (ср-вскр)
Свята «Прыйшлі Калядкі – бліны ды аладкі»
Галоўная Падзеі Свята «Прыйшлі Калядкі – бліны ды аладкі»
Свята  «Прыйшлі Калядкі – бліны ды аладкі»
765

23 снежня 2023 года

з 14.00 да 15.00

 

Святыя вечары, Крывыя вечары, Каляды – так называлі старажытныя святкаванні ў гонар зімовага сонцастаяння. Паступова народныя традыцыі спалучыліся з хрысціянскімі – царква прымеркавала да гэтага дня рэлігійнае свята Нараджэння Хрыстова. У залежнасці ад веравызнання Каляды святкуюцца ў розныя даты: у католікаў з 24 снежня па 6 студзеня і ў праваслаўных вернікаў з 6 па 19 студзеня.

Напярэдадні Калядаў з самай раніцы ў кожнай хаце старанна прыбіраліся, уся сям’я мылася, а потым пачыналі гатаваць вячэру. Абавязковай абрадавай ежай была куцця – каша з таўчоных ячменных круп, якая сімвалізавала дабрабыт у будучым годзе. Рыхтавалі пачастункі і для калядоўшчыкаў – гурта людзей, якія віншавалі гаспадароў са святам.

Запрашаем усіх далучыцца да народных традыцый у музеі пад адкрытым небам!

 

Вас чакае:

  • Рэканструкцыя каляднага абыходу;
  • Лялечны тэатр «Батлейка»;
  • Ценявы тэатр «Вяртэп»;
  • Выраб калядных упрыгожванняў;
  • Варожбы;
  • Развучванне калядных песень;
  • Традыцыйныя гульні і танцы;
  • Частаванне гарбатай з зёлак.

 

За дадатковую плату можна:

- набыць сувеніры ад народных майстроў;

- наведаць «Беларускую карчму», якая знаходзіцца на тэрыторыі музея.

 

Кошт квіткоў:

  • для дарослых – 10,50 руб.;
  • студэнтаў вышэйшых устаноў адукацыі (студэнцкі білет) – 5,50 руб.;
  • для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 5.50 руб.;
  • для дзяцей дашкольнага ўзросту – бясплатна.

 

Экспазіцыя музея працуе з 10:00 да 17.00. Каса працуе з 10:00 да 16:30.

 

Шаноўныя наведвальнікі!

  • Калі ласка, паклапаціцеся аб абутку і вопратцы згодна ўмоў надвор’я.
  • Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
  • На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.

 

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170Э), Паварот да музея (150), Чыкі; маршрутнае таксі №1277, №1111, №1026.

Чытайце таксама
Другі фестываль актыўнага ладу жыцця «ЗОЖ - фэст»
2093
Другі фестываль актыўнага ладу жыцця «ЗОЖ - фэст»

05.05.2019г. запрашаем прыняць удзел у фестывалі актыўнага ладу жыцця «ЗОЖ - фэст» на тэрыторыі...

Фотасправаздача «Абрадавае мерапрыемства «Каляды»
2678
Фотасправаздача «Абрадавае мерапрыемства «Каляды»

22.12.2018г. адбылося абрадавае мерапрыемства «Каляды» на тэрыторыі музея!

Школьнае жыццё нашых продкаў
3578
Школьнае жыццё нашых продкаў

Хутка апошні званок! Давайце даведаемся, як ішлі школьныя справы ў нашых бабуль і дзядуль.

Фотасправаздача «Абрадавае мерапрыемства «Зажынкі»
2629
Фотасправаздача «Абрадавае мерапрыемства «Зажынкі»

21 ліпеня 2018 г. адбылося абрадавае мерапрыемства «Зажынкі» на тэрыторыі музея!