Культурна-адукацыйнае мерапрыемства «Спасаўка-ласаўка»

19 жніўня 2017 года
з 13:00 да 14:30

«Спасаўка-ласаўка» – свята, якое ў народзе называюць «Успенскі пост». Ён цягнецца з 14 па 29 жніўня і аб’ядноўвае тры хрысціянскія святы, якія прысвечаны Усяміласціваму Збавіцелю Ісусу Хрысту і Прысвятой Багародзіцы. У народнай культуры кожны з гэтых дзён быў пераасэнсаваны і атрымаў сваю назву: 14 жніўня — макавы ці мядовы Спас, 19 жніўня — яблычны Спас, 29 жніўня — хлебны ці арэхавы Спас, альбо «Спас на палатне».

Падчас мерапрыемства наведвальнікі змогуць:

• далучыцца да ўрачыстага набажэнства ад святара;
• асвяціць мёд, яблыкі, мак, арэхі, хлеб і ваду;
• наведаць выставу «Пчалярства на Беларусі » і праслухаць тэматычную экскурсію;
• праслухаць расповед пра тры спаса;
• паўдзельнічаць ў інтэрактыўнай праграме свята з традыцыйнымі песнямі і танцамі.

За дадатковую плату можна:

• набыць сувеніры ад народных майстроў;
• наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 5.50 руб.;
• для студэнтаў – 4.00 руб.;
• для дзяцей школьнага ўзросту – 3.00 руб.;
• для дзяцей дашкольнага ўзросту – бясплатна.