Мерапрыемства

«Піліпаўскія вячоркі»

26 лістапада 2022 года

з 13.00 да 14.00

Вячоркі – гэта даўні звычай вясковых дзяўчат збірацца за працай у адной хаце. Пачыналі хадзіць на вячоркі з надыходам восені і ажно да самай вясны. Адсутнасць тэрміновай сельскагаспадарчай працы дазваляла дзяўчатам у гэты час займацца прадзеннем, вышыўкай, снаваннем нітак, ткацтвам.  Праца ішла весялей, калі распавядалі адзін адному казкі, паданні, былічкі, спявалі песні.

Запрашаем Вас паўдзельнічаць у традыцыйных вячорках на тэрыторыі Беларускага дзяржаўнага музея народнай архітэктуры і побыту!

Вас чакае:

• Паказ інсцэніроўкі «Вячоркі»;
• Гульні, жартоўныя расповеды, казкі;
• Майстар-клас па апрацоўцы ільну;
• Майстар-клас па вырабу паяскоў з нітак;
• Майстар-клас па спевах восеньскіх песень;
• Экскурсія па выставе «Беларускі лён».

За дадатковую плату можна:

• набыць сувеніры ад народных майстроў;
• наведаць «Беларускую карчму», якая знаходзіцца на тэрыторыі музея. 

Кошт квіткоў:

• для дарослых – 8,50 руб.;
• студэнтаў вышэйшых устаноў адукацыі (студэнцкі білет) – 4,50 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 4,50 руб.;
• для дзяцей дашкольнага ўзросту – бясплатна.

Экспазіцыя музея працуе з 10:00 да 17.00. Каса працуе з 10:00 да 16:30.

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.