25 лістапада 2023 года

з 15.00 да 16.00

Піліпаўка – менавіта такую назву атрымаў пост напярэдадні Калядаў. З гэтага часу вясковыя дзяўчаты пачыналі збірацца разам за працай. Прадзенне, вышыўка, снаванне нітак, ткацтва – няпоўны пералік асноўных жаночых заняткаў у асенне-зімовы перыяд. Праца ішла весялей, калі распавядалі адзін адному казкі, паданні, былічкі, спявалі песні.

У хлопцаў таксама было багата работы па гаспадарцы – малацьба і правейванне зерня, рамонт сельскагаспадарчых прыладаў. Як толькі асноўная праца была выканана – можна было зайсці да дзяўчат у госці, падражніць і прыкмеціць сабе будучую жонку.

Запрашаем Вас паўдзельнічаць у традыцыйных вячорках на тэрыторыі Беларускага дзяржаўнага музея народнай архітэктуры і побыту!

Вас чакае:

• Традыцыйныя вячоркі;
• Гульні, жартоўныя расповеды, казкі;
• Майстар-клас па вырабу паяскоў з нітак;
• Майстар-клас па спеву восеньскіх песень.

За дадатковую плату можна:

- набыць сувеніры ад народных майстроў;

- наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 10,50 руб.;
• студэнтаў вышэйшых устаноў адукацыі (студэнцкі білет) – 5,50 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 5,50 руб.;
• для дзяцей дашкольнага ўзросту – бясплатна.

Экспазіцыя музея працуе з 10:00 да 17.00. Каса працуе з 10:00 да 16:30.

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170С), Паварот да музея (150), Чыкі; маршрутнае таксі №1277, №1111, №1026.