Фотасправаздача «Дзень каваля»

11 лістапада 2018г.

14 лістапада ў народным календары сваяткуецца дзень святых Касмы і Дзям’яна, нябесных заступнікаў кавальства. Напярэдадні гэтага свята, 11 лістапада 2018 г. у Беларускім дзяржаўным музеі народнай архітэктуры і побыту адбылося свята "Дзень каваля".

Каваль быў адным з самых шануемых людзей на сяле, складана ўявіць сабе сялянскі побыт і працу без каваных рэчаў. Пра кавалёў у народзе казалі: "У каваля што ня ўдар, то грыўня", "каваль б’е – каваліха пяе". Але пры ўсім пры гэтым да кавалёў ставіліся з пэўнаю асцярогаю, лічылася, што яны з чарцямі водзяцца! Ня мог просты селянін зразумець, як гэта з кавалку невядома чаго каваль куе сякеру, да па-любому чэрці навучылі!