Гарачая прапанова для школ

Традыцыйна пачатак восені ва ўсіх асацыіруецца з Днём ведаў. 1 верасня – гэта пачатак новага навучальнага года для школьнікаў, студэнтаў, настаўнікаў і выкладчыкаў, якое адзначаецца як час новых надзеяў, імкненняў, як пачатак новага этапу плённай, цікавай і творчай працы.

Музей народнай архітэктуры і побыту не стаіць на месцы і спецыяльна да новага навучальнага года падрыхтаваў спіс новых і найбольш запатрабаваных паслуг для дарослых і дзяцей! 

• Музейны занятак “Музычныя традыцыі беларусаў” знаёміць з беларускімі традыцыйнымі інструментамі, іх гісторыяй, відамі і асаблівасцямі. У ходзе музейнага занятку ў Вас будзе магчымасць пачуць гучанне музычных інструментаў, паўдзельнічаць ў майстар-класах па беларускіх танцах і пагуляць у традыцыйныя беларускія гульні.

Дадзены музейны занятак мы звычайна праводзім на тэрыторыі адукацыйных устаноў. Узроставых абмежаванняў для яго няма.

Кошт паслугі на чалавека  – 1,50 руб. 

• У ходзе музейнага занятку “Беларускі лён” (для дзяцей 3-11 класаў і дарослых) наведвальнікі даведаюцца аб этапах традыцыйнай апрацоўкі ільну, прасочаць увесь шлях пераўтварэння сцябла ў нітку, пазнаёмяцца з ткацкім рамяством, убачаць асноўныя віды працы з ільняной сыравінай і нават самі змогуць паўдзельнічаць у гэтым працэсе.

Кошт паслугі на групу – 25,00 руб. 

• Экскурсія “Пшанічны каласок” разлічана на дзіцячую аўдыторыю (1-2 класы). Падчас правядзення ў даступнай гульнёвай форме школьнікам распавядаецца аб працэсе ператварэння маленькіх зернятак у духмяны каравай. Сустрэча з Дамавіком, які замесіць цеста, а па завяршэнні праграмы пачастуе хлебам, застанецца на доўгі час у памяці маленькіх наведвальнікаў.

Кошт паслугі на групу – 18,00 руб. 

• Квэст “Зачараваная веска” – рухомая гульня-пошук (для дзяцей 4-11 класаў і дарослых). Удзельнікі ўвесь час перамяшчаюцца па музеі, каардынуюцца вядучым гульні. Персанажы (Зялярка, Баба Гэля, Карчмар, Мужык Дзям'ян) загадваюць загадкі і даюць заданні.

Кошт паслугі на групу – 53,00 руб. 

• Экскурсійнае абслугоўванне з інтэрактыўнымі элементамі “Вандроўка ў мінулае” (для дзяцей 4-11 класаў і дарослых). Падчас гэтай вясёлай экскурсіі наведвальнікі вандруюць па музейным сяле і знаёмяцца з помнікамі архітэктуры і іх інтэр’ерамі, а потым яны гуляюць у традыцыйныя гульні і таньчаць пад акампанемент жывой музыкі.

Кошт паслугі на групу – 38,00 руб. 

• Культурна-масавае мерапрыемства “Дзень настаўніка” – гэта святочнае мерапрыемства з конкурсна-забаўляльнай праграмай для работнікаў сферы адукацыі. Адбудзецца 3 кастрычніка 2020 года. Вядзецца папярэдні запіс! 

ВАЖНА! 

Групы па колькасці фармуюцца да 25 чалавек.

Дадаткова аплачваецца ўваходны квіток для кожнага ўдзельніка праграмы.

Кошт квітка: 7,00 руб. – дарослыя; 4,00 руб. – дзеці, студэнты.

Для групы дзяцей на кожныя 10 чалавек 1 дарослы-суправаджальны – бясплатна. 

Магчыма адначасовае абслугоўванне некалькіх груп па адной праграме. 

Музей народнай архітэктуры і побыту – гэта адзіны беларускі дзяржаўны музей пад адкрытым небам, размешчаны ў унікальным маляўнічым месцы, плошча якога займае 151 га. Дзякуючы гэтаму кожны наведвальнік зможа выконваць сацыяльную дыстанцыю і засцерагчы сябе ад COVID-19! 

Будзем рады бачыць Вас !!!