Экскурсія выходнага дня

«Песня льецца над прасторай»

9 красавіка 2022 года

з 15.00 да 16.00

Толькі з 15.00 да 16.00 пры набыцці ўваходнага квітка ў музей Вы можаце паўдзельнічаць у бясплатнай музычнай экскурсіі!

У мінулыя часы на вуліцах нашых вёсак не змаўкалі звонкія галасы дзяўчат, не сціхалі пранізлівыя гукі скрыпак і цымбалаў. Жыццё нашых бабуль і дзядуль напаўнялася весялосцю і радасцю, калі з хаты даносіліся народныя песні і традыцыйныя найгрышы.

Якія святы адзначалі нашыя продкі? Якія песні спявалі штодня, а якія толькі раз на год? Якія музычныя інструменты гучалі ў нашых вёсках у мінулыя часы?

Завітвайце на экскурсію, каб паглыбіцца ў музычную атмасферу старажытных часоў!

Вас чакае:

• экскурсія па рэгіёну «Цэнтральная Беларусь» з акцэнтам на народных святах;
• традыцыйныя народныя песні, прымеркаваныя да святаў каляндарнага года;
• найгрышы на народных інструментах.

За дадатковую плату можна:

• набыць сувеніры ад народных майстроў у касе музея;
• наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 8,50 руб.;
• студэнтаў вышэйшых устаноў адукацыі (студэнцкі білет) – 4,50 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 4,50 руб.;
• для дзяцей дашкольнага ўзросту – бясплатна.

Экспазіцыя музея працуе з 11:00 да 19.00. Каса працуе з 11:00 да 18:30.

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.