Стартуе з 15 снежня 2023 г.

Канец года – самы чароўны час! Ужо адчуваецца подых Каляд і Новага года, усе рыхтуюцца і чакаюць свята, асабліва дзеці.

У нашым музеі з’явілася чароўная «Хатка Дзеда Мароза», якае адчыніцца 15 снежня. На ускрайку сяла пад заснежанымі дахам хаткі цуды чакаюць Вас! І мы чакаем вас у музеі, каб усім разам акунуцца ў атмасферу чараўніцтва, цудаў і весялосці. Гэта цёплая атмасфера, яркія эмоцыі і час, праведзены сярод блізкіх.

Вас чакаюць гульні, забавы, жарты і весялосць!

Самае галоўнае – бярыце з сабой добры настрой! (і апранайце цёплую вопратку і абутак!).

Дзед Мароз аб’яўляе конкурс малюнкаў на навагоднюю альбо калядную тэматыку! Лісты з малюнкамі можна астаўляць у спецыяльнай скрыні ў музеі. Пераможца конкурсу малюнкаў атрымае ўзнагароду!

А калі вы не зможаце да нас даехаць, то напішыце ліст Дзеду Марозу ў Азярцо і ўкладзіце ваш малюнак на навагоднюю альбо калядную тэматыку.

Паштовы адрас Дзеда Мароза: 223021, Мінскі раён,аг. Азярцо, Беларускі дзяржаўны музей архітэктуры і побыту, Дзеду Марозу.

За дадатковую плату можна:

- набыць сувеніры ад народных майстроў;

- наведаць «Беларускую карчму», якая знаходзіцца на тэрыторыі музея.

Экспазіцыя музея працуе з 10:00 да 17.00. Каса працуе з 10:00 да 16:30.

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы.
• Квіткі і сувеніры ў касе вы можаце набыць па безнаяўным і наяўным разліку.

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170Э), Чыкі; маршрутнае таксі №1277, №1111, №1026.