19 жніўня 2023 года

з 13.00 да 14.00

Вялікія святочныя дні надыходзяць у жніўні – Мядовы, Яблычны і Хлебны Спас.

У гэты час прырода шчодра надзяляе чалавека сваім багаццем. У садах і агародах паспявае свежая садавіна, гародніна, поўным ходам  ідзе ўборка збожжавых культур. А ў цэрквах святары асвячаюць прынесеныя вернікамі дары. Паводле народных меркаванняў асвячаны мак меў уласцівасць абараняць ад ведзьмаў, а вада надзялялася гаючымі ўласцівасцямі.

Пра народныя прыкметы і традыцыі збору садавіны на Спас Вы даведаецеся на нашым свяце!

Вас чакае:

• Расповед пра гісторыю свята;
• Расповед пра выставу «Пчалярства на Беларусі»;
• Асвячэнне святаром вады, яблыкаў, мёда, хлеба, зерня;
• Традыцыйныя беларускія танцы і гульні.

Сустракаемся ў 12.45 на ўваходзе ў экспазіцыйны сектар «Цэнтральная Беларусь»!

За дадатковую плату можна:

- набыць сувеніры ад народных майстроў;

- наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 10,00 руб.;
• студэнтаў вышэйшых устаноў адукацыі (студэнцкі білет) – 5,00 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 5,00 руб.;
• для дзяцей дашкольнага ўзросту – бясплатна.

Экспазіцыя музея працуе з 11:00 да 19.00. Каса працуе з 11:00 да 18:30.

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170Э), Чыкі; маршрутнае таксі №1277, №1111, №1026.