+375 172905913 +375 175138610 museum@etna.by
Экспазіцыя працуе
11:00-19:00 (ср-вскр)
Каса працуе
11:00-18:30 (ср-вскр)
Абрадавае мерапрыемства «Камаедзіца»
Галоўная Падзеі Абрадавае мерапрыемства «Камаедзіца»
Абрадавае мерапрыемства  «Камаедзіца»
1474

Абрадавае мерапрыемства

«Камаедзіца»

5 красавіка 2020 года 

з 15:00 да 16:00

«Камаедзіца» - старадаўняе свята, якое спраўлялі ў пачатку вясны, калі заканчвалася спячка мядзведзя і ён вылазіў з бярлогі. На свята гатавалі і елі гарохавую кашу – так званыя камы, сушаны рэпнік, аўсяны кісель і іншыя стравы. Гэтыя стравы лічыліся ўлюбенай ежай мядзведзя і былі абрадавымі стравамі святочнага абеду, пасля якога сяляне клаліся на палаці і пераварочваліся з боку на бок, імітуючы звычкі мядзведзя. «Камаедзіца» – водгалас пакланення мядзведзю, яго шанавання. Абрадавымі дзеяннямі імкнуліся ўлагодзіць, задобрыць звера.            Мерапрыемства будзе праходзіць на сектары «Падняпроўе», у якім гістарычна існавалі вялікія лясы, у якіх вялося шмат мядзведзяў, і яны часам шкодзілі свойскай жывёле, выклікалі страх у людзей.            Наведвальнікі і ўдзельнікі мерапрыемства змогуць паслухаць расповед пра бортніцтва на Беларусі, паслухаць розныя казкі і паданні пра мядзведзя, патанчыць беларускія танцы, пагуляць у розныя гульні, і ў цэлым весела і цікава правесці свой час!

Вас чакае:

  • Экскурсія па выставе «Пчалярства на Беларусі»;
  • Расповед традыцыйных беларускіх казак, паданняў пра мядзведзя;
  • Беларускія народныя гульні і забавы;
  • Майстар-клас па беларусім народным танцам;
  • Выстава “Музычныя iнструменты”;
  • Частаванне гарбатай з зёлак.

Падчас мерапрыемства за дадатковую плату можна:

  • набыць сувеніры ад народных майстроў у касе музея;
  • палятаць на мотадэльтаплане (пры добрым надвор’і);
  • наведаць «Беларускую карчму», якая знаходзіцца на тэррыторыі музея;

Запрашаем прыняць удзел у абрадавым мерапрыемстве «Камаедзіца» на тэрыторыі музея!

Кошт квіткоў:

  • для дарослых – 7.00 руб.;
  • студэнтаў вышэйшых устаноў адукацыі (студэнцкі білет) – 4.00 руб.;
  • для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 4.00 руб.;
  • для дзяцей дашкольнага ўзросту – бясплатна.

Экспазіцыя музея працуе з 11:00 да 19:00. Каса працуе з 11:00 да 18:30.

Шаноўныя наведвальнікі!

  • Калі ласка, паклапаціцеся пра абутак і вопратку згодна з умовамі надвор’я.
  • Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
Чытайце таксама
Майстар-клас «Што не стук – то грыўна»
1011
Майстар-клас «Што не стук – то грыўна»

21 лістапада 2021 года запрашаем на экскурсію, прысвечаную кавальству на тэрыторыі Беларусі (ад...

Свята «Вадохрышча»
358
Свята «Вадохрышча»

Падчас Каляд вылучаліся тры найбуйнейшыя кропкі гэтага вялікага і па значнасці, і па...

Абрадавае мерапрыемства «Зажынкі»
2092
Абрадавае мерапрыемства «Зажынкі»

27.07.2019г. запрашаем прыняць удзел у абрадавым мерапрыемстве «Зажынкі» на тэрыторыі музея!

«Жаночая доля»
644
«Жаночая доля»

8 сакавіка 2023 года з 13.00 да 14.00