Паведамляем  Вам, што з 1 красавіка 2023 года наш музей пачне працаваць па абноўленнаму графіку: з 11.00 да 19.00. З нецярпеннем чакаем вас!

«Камаедзіца» – старадаўняе свята шанавання мядзведзя. У гэты дзень нашыя продкі імкнуліся ўлагодзіць і задобрыць махнатага звера. Зранку гатавалі любімыя стравы мядзведзя: гарохавую кашу, сушаную рэпу і аўсяны кісель. А пасля абеду качаліся на зямлі і імітавалі звычкі асілка беларускіх лясоў . На нашым свяце вы пачуеце паданні і казкі пра мядзведзя, даведаецеся як атрымлівалі мёд – любімы ласунак жывёлы, пагуляеце ў вясёлыя гульні, развучыце беларускія традыцыйныя танцы і зробіце сэлфі з мішкай!     Вас...

«Гуканне вясны» – абрадавае дзейства, звязанае з адмыканнем і абуджэннем зямлі, набліжэннем цяпла. У розных куточках Беларусі пачыналі гукаць вясну ў свой час – падчас масленічнага тыдня ці на Саракі, з прылётам жаваронкаў ці на Дабравешчанне. Гукалі вясну гучна, звонка і натхнёна. Дзяўчаты збіраліся разам і пачыналі спяваць «вяснянкі-заклічкі». Верылі, што ў тым канцы вёскі, дзе распачалі спевы раней – дзяўчаты хутчэй пойдуць замуж і будуць мець лепшы ўраджай. Запрашаем абуджаць зямлю і гукаць вясну разам у музеі...