30 ліпеня ў Музеі народнага побыту Літвы была ўрачыста адкрыта выстава "Вяселле Заходняга Палесся".
Выстава размяшчаецца на 2-х паверхах музейнага свірна ў сектары “Мястэчка”.
Экспазіцыя аб’ядноўвае фотавыставу «Экспедыцыйныя фотазамалёўкі Заходняга Палесся», а таксама арыгінальныя прадметы з калекцый адзення, абутку, галаўных убораў, тканін, музычных прылад Беларускага дзяржаўнага музея народнай архітэктуры і побыту.
З вясковымі краявідамі, інтэр'ерамі пабудоў, выявамі жыхароў гэтага рэгіёна знаёміць фотавыстава на 1-м паверсе музейнага свірна. Здымкі былі зроблены ў 1980-х гг. у Пінскім, Драгічынскім, Столінскім, Кобрынскім раёнах Брэсцкай вобласці падчас шматлікіх музейных экспедыцый.
Другая частка выставы знаёміць з асноўнымі элементамі заходнепалескага вяселля: сватаннем, запоінамі, зборнай суботай, каравайным абрадам, дзяльбой каравая, ад’ездам на вянчанне, сустрэчай бацькамі ў доме маладога, дэманстрацыяй пасагу, абрадам “пакрывала зняць”. На другім паверсе помніка архітэктуры выстаўлены таксама святочныя строі Заходняга Палесся канца ХІХ – сярэдзіны ХХ ст.
На адкрыцці выставы госці музея не толькі ўбачылі, але і паўдзельнічалі ў абрадзе “пакрывала зняць” у выкананні супрацоўнікаў беларускага скансэна.
30.12.2018г. запрашаем прыняць удзел у абрадавым мерапрыемстве «Васільеўская Каляда» на...
З мэтай патрыятычнага выхавання моладзі Беларускі дзяржаўны музей народнай архітэктуры і побыту...
12.05.2018г. Запрашаем прыняць удзел у культурна-адукацыйным мерапрыемстве «Сямейныя традыцыі...
12.08.2017г. Жніўны абрад, пад час якога паказваецца як ажыццяўлялася сапраўдная праца ў полі.