Абрадавае мерапрыемства «Васільеўская Каляда»

30 снежня 2018 года 

з 14:00 да 15:00

Новы год, Васілле – кульмінацыйны момант каляднага святочнага комплекса, які цягнецца два тыдні.

У гэты вечар было прынята хадзіць у госці, весяліцца, ладзіць вечарыны. Напярэдадні новага года варылі куццю і гатавалі шмат мясных блюд. Ноч лічылася найболей спрыяльнай для варожбаў, таму ноччу хадзілі калядаваць, вадзілі Багатую і Бедную Каляду, гэта былі два пераапранутых хлопца, якія прадвяшчалі кожнаму лёс на наступны год (асабліва дзяўчатам наконт шлюбу!). Таксама спраўлялі абрад засявання. Дзеці і моладзь хадзілі з торбамі, напоўненымі зернем, віталі гаспадароў, жадалі шчасця і прыбытку, пасыпаючы ўсіх зернем жыта, аўса, ячменю.

Асноўная мэта мерапрыемства – адлюстраваць традыцыі святкавання каляд з найбольш адметнымі  элементамі  свята. У гэты дзень будзе ладзіцца традыцыйнае калядаванне, зімовыя гульні, варажба для дарослых і дзяцей, розныя майстар-класы, спевы, танцы, каб сустрэць Новы год гучна і весела!

Вас чакае:

• Рэканструкцыя каляднага абыхода з Багатай і Беднай Калядой;
• Рэканструкцыя абрада “Засяванне”;
• Традыцыйныя беларускія гульні і забавы;
• Варажба на будучы год;
• Майстар-клас па вырабу анёлаў з тканіны.

Падчас мерапрыемства за дадатковую плату можна:

• набыць сувеніры ад народных майстроў у касе музея,
• палятаць на мотадэльтаплане (пры наяўнасці спрыяльных умоў!),
• наведаць «Беларускую карчму», якая знаходзіцца на тэррыторыі музея.

Запрашаем прыняць удзел у абрадавым мерапрыемстве «Васільеўская Каляда» на тэрыторыі музея!

Кошт квіткоў:

• для дарослых – 6.00 руб.;
• для школьнікаў, студэнтаў вышэйшых устаноў адукацыі (студэнцкі білет), навучэнцаў прафесійна-тэхнічных, сярэдне-спецыяльных устаноў адукацыі – 4.00 руб.;
• для дзяцей дашкольнага ўзросту – бясплатна.

Экспазіцыя музея працуе з 10:00 да 17:00. Каса працуе з 10:00 да 16:30.

Шаноўныя наведвальнікі!

• Калі ласка, паклапаціцеся пра абутак і вопратку згодна з умовамі надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.