Фотасправаздача

«Оpen-air фестываль «Купальскае кола - XII»

27 чэрвеня 2020 года

27 чэрвеня 2020 года ў Музеі народнай архітэктуры і побыту пад Мінскам адбыўся оpen-air фестываль «Купальскае Кола - XII».

«Купальскае Кола» — адзін з нешматлікiх беларускіх фестываляў, якія масава палюбіліся прыхільнікамі роднай культуры. Фестываль прысвечаны старадаўняму народнаму святу — Купаллю, прымеркаванаму да дня летняга сонцастаяння, калі дасягаюць найвышэйшага росквіту жыватворчыя сілы зямлі. Як ніякае іншае, свята Купалле авеяна легендамі і міфамі, у яго абрадах цесна перапляліся старажытныя язычніцкія і хрысціянскія традыцыі, вераванні нашых продкаў. У традыцыях і абрадах Купалля найярчайшым чынам раскрываецца душа беларускага народа.