Мерапрыемства

«Спартакіяда»

Мінскай гарадской арганізацыі

Беларускага прафсаюза работнікаў культуры,

інфармацыі, спорта і турызма

18 чэрвеня 2022 года

з 11.00 да 15.30

Запрашаем правесці свой выходны дзень весела і актыўна!

18 чэрвеня на тэрыторыі Беларускага дзяржаўнага музея народнай архітэктуры і побыту адбудзецца спартакіяда Мінскай гарадской арганізацыі Беларускага прафсаюза работнікаў культуры, інфармацыі, спорта і турызма.

На спартакіядзе будуць прадстаўлены пляцоўкі з традыцыйнымі гульнямі і забавамі, якія патрабуюць ад удзельнікаў не столькі моцы, колькі спрыту і кемлівасці.

Падчас выпрабаванняў Вы зможаце праявіць свае здольнасці і ўмацаваць камандны дух. Вы апынецеся ў атмасферы старадаўніх кірмашовых ігрышч і надоўга запомніце гэтае свята.

Вас чакае:

• Экскурсіі ў помніках драўлянай архітэктуры (расповед пра асаблівасці народнага побыту);
• Традыцыйныя беларускія спартовыя гульні і забавы (біццё падушкамі, кольцакід, пакос травы на хуткасць);
• Спаборніцтвы каманд (самыя спрытныя ўдзельнікі атрымаюць узнагароды);
• Майстар-класы (па вырабу лялькі-мотанкі, пляценню паяскоў, выцінанцы, народным танцам («Картузэ», «Лявоніха», «Ойра») і гульням («Явар», «Журавель»).

За дадатковую плату можна:

- набыць сувеніры ад народных майстроў;

- наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 8,50 руб.;
• студэнтаў вышэйшых устаноў адукацыі (студэнцкі білет) – 4,50 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 4,50 руб.;
• для дзяцей дашкольнага ўзросту – бясплатна.

Экспазіцыя музея працуе з 11:00 да 19.00. Каса працуе з 11:00 да 18:30.

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.