Міжнародная канферэнцыя «Мінулае, сучаснасць і будучыня музеяў пад адкрытым небам»

У гэтым годзе Беларускі дзяржаўны музей народнай архітэктуры і побыту адзначае сваё 40-годдзе. Адной са значных падзей, якія прымеркаваны да дадзенага юбілею, стала Міжнародная навукова-практычная канферэнцыя «Мінулае, сучаснасць і будучыня музеяў пад адкрытым небам», якая прайшла 7 – 8 верасня 2016 года і сабрала супрацоўнікаў музеяў, навукоўцаў і спецыялістаў устаноў культуры з Беларусі, Літвы, Польшчы і Расіі.

Мэта канферэнцыі – прыцягненне ўвагі даследчыкаў і спецыялістаў да праблем захавання, экспанавання і расповяду пра матэрыяльную і нематэрыяльную культурную спадчыну; абмеркаванне актуальных праблем, асноўных тэндэнцый і перспектыў развіцця музеяў-скансенаў ва ўмовах сучаснай сацыякультурнай прасторы.

Праблематыка і асноўныя накірункі работы канферэнцыі:

• Музейныя калекцыі: вывучэнне, даследаванне і экспанаванне.
• Праблемы захоўвання і рэстаўрацыі помнікаў драўлянага дойлідства і музейных калекцый.
• Нематэрыяльная культурная спадчына ў этнаграфічных музеях.
• Роля маркетынгавых даследаванняў у фарміраванні іміджу музея, уплыў тэндэнцый інфарматызацыі і глабалізацыі на работу музеяў-скансенаў