+375 172905913 +375 175138610 museum@etna.by
Экспазіцыя працуе
11:00-19:00 (ср-вскр)
Каса працуе
11:00-18:30 (ср-вскр)
Мерапрыемства «Светлыя-светлыя нашы памерлыя. Стрэчаньскія Дзяды ў музеі народнай архітэктуры і побыту»
Галоўная Падзеі Мерапрыемства «Светлыя-светлыя нашы памерлыя. Стрэчаньскія Дзяды ў музеі народнай архітэктуры і побыту»
Мерапрыемства  «Светлыя-светлыя нашы памерлыя.  Стрэчаньскія Дзяды ў музеі народнай архітэктуры і побыту»
516

10 лютага 2024 года

з 14.00 да 15.00

Цягам года на Беларусі было шмат дзён ушанавання памерлых. Напярэдадні надыходжання Грамніц альбо Стрэчання, беларускага каляндарнага свята ачышчэння з дапамогай агню, у пэўных рэгіёнах нашай краіны было прынята праводзіць Стрэчаньскія Дзяды.

Дзяды – гэта дзень памінання, ушанавання памяці родных, калі жывыя сустракаюцца з душамі памерлых, узгадваюць пра іх добрым словам, дзякуюць за тое, што маюць ад прашчураў, за іхняе апякунства.

Звычайна на свята Дзядоў, у тым ліку і Стрэчаньскіх, збіраюцца блізкія людзі, імі вядзецца своеасаблівая падрыхтоўка да спаткання з папярэднімі пакаленнямі ўласнага роду: гатуюцца рытуальныя стравы, якія пасля ўрачыстай вячэры пакідаюць на стале, каб дзяды-духі маглі падсілкавацца, а для тых, хто змерз, распальваецца вогнішча на вуліцы.

Запрашаем Вас на ўласныя вочы ўбачыць абрад правядзення Стрэчаньскіх Дзядоў, наведаць лекцыю прысвечаную асаблівасцям гэтага свята, а таксама праверыць свае веды і паўдзельнічаць у віктарыне ў музеі пад адкрытым небам!

 

Вас чакае:

  • Правядзенне абраду «Стрэчаньскія Дзяды»;
  • Лекцыя, прысвечаная асаблівасцям Стрэчаньскіх Дзядоў ад запрошанага лектара – кандыдата гістарычных навук, дацэнта Алы Мікалаеўны Нароўскай;
  • Kachoot-віктарына з прызамі для актыўных удзельнікаў;

 

За дадатковую плату можна:

- набыць сувеніры ад народных майстроў у касе музея;

- наведаць «Беларускую карчму», якая знаходзіцца на тэрыторыі музея.

 

Кошт квіткоў:

  • для дарослых – 12,00 руб.;
  • студэнтаў вышэйшых устаноў адукацыі (студэнцкі білет) – 6,00 руб.;
  • для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 6,00 руб.;
  • для дзяцей дашкольнага ўзросту – бясплатна.

 

Экспазіцыя музея працуе з 10:00 да 17.00. Каса працуе з 10:00 да 16:30.

 

Абрад пачынаецца ў 14.00. Прыходзьце, калі ласка, за 15 хвілін да пачатку!

 

Шаноўныя наведвальнікі!

  • Калі ласка, паклапаціцеся аб абутку і вопратцы згодна ўмоў надвор’я.
  • Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
  • На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.
  • Экскурсіі ў дзень мерапрыемстваў ажыццяўляюцца толькі па папярэднім запісе.

 

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170Э), Чыкі; аўтобус №150, маршрутныя таксі №№1277, 1111, 1026.

Чытайце таксама
Абрадавае мерапрыемства  «Спасаўка-Ласаўка»
1244
Абрадавае мерапрыемства «Спасаўка-Ласаўка»

16 жніўня 2020 года запрашаем прыняць удзел у абрадавым мерапрыемстве «Спасаўка-Ласаўка» на...

Мерапрыемства «Дзень яднання народаў Беларусі і Расіі»
180
Мерапрыемства «Дзень яднання народаў Беларусі і Расіі»

Дзень яднання народаў Беларусі і Расіі адзначаецца штогод 2 красавіка.

Свята «Юр’я»  (Падай, Юр’я, да ключы з неба)
220
Свята «Юр’я» (Падай, Юр’я, да ключы з неба)

Юр’я – свята ў гонар заступніка жывёл, ахоўніка жывёлагадоўлі і земляробства.У народзе...

Свята Пятроў дзень  «Святы Пятро — жыта ядро»
397
Свята Пятроў дзень «Святы Пятро — жыта ядро»

Пятроў дзень з’яўляецца старажытным земляробчым святам, якое адзначалася 12 ліпеня.