Мерапрыемства

«Этна-выходны ўсёй сям’ёй»

17 ліпеня 2021 года

з 15:00 да 16:30

Запрашаем вас правесці час у цудоўнай атмасферы беларускіх забаў і казак у  Беларускім дзяржаўным музеі народнай архітэктуры і побыту.

Вы зможаце адпачыць на свежым паветры пад спеў птушак і паслухаць народныя казкі, якімі спрадвеку беларусы забаўлялі сваіх дзяцей. Паралельна можна паўдзельнічаць у майстар-класе па вырабу лялек, а напрыканцы паспрабаваць сваю спрытнасць у гульнях.

Вас чакае:

• расповед беларускіх казак;
• майстар-клас па вырабу традыцыйных лялек;
• прагляд беларускіх казачных мультфільмаў;
• народныя гульні.

За дадатковую плату можна:

• набыць сувеніры ад народных майстроў;
• наведаць «Беларускую карчму», якая знаходзіцца на тэрыторыі музея.

Запрашаем Вас прыняць удзел у мерапрыемстве «Этна-выхадны ўсёй сям’ёй» на тэрыторыі музея!

Кошт квіткоў:

• для дарослых – 8,00 руб.;
• студэнтаў вышэйшых устаноў адукацыі (студэнцкі білет) – 4 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 4 руб.;
• для дзяцей дашкольнага ўзросту – бясплатна.

Экспазіцыя музея працуе з 11:00 да 19:00. Каса працуе з 11:00 да 18:30.

Шаноўныя наведвальнікі!

• Калі ласка, паклапаціцеся пра абутак і вопратку згодна з умовамі надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы.

Квіткі і сувеніры ў касе вы можаце набыць па безнаяўным і наяўным разліку.