17 мая 2025 года

з 19.00 да 23.00

Незвычайную атмасферу пад начным зорным небам можна будзе адчуць 17 мая з нагоды Міжнароднага дня музеяў!

Сярэднявечныя бойкі на мячах, гульнявыя лакацыі, полымя ачышчальнага вогнішча  і звонкія песні разгоняць цемру і парушаць цішыню бяскрайніх абшараў музейнай вёскі.

У гэтую ноч сцяжынкі ўздоўж хатаў будуць асвятляць толькі ліхтары і дапытлівыя вочы нашых гасцей.

Запрашаем завітаць у начны музей пад адкрытым небам!

Вас чакае:

• Экскурсіі ў помніках народнай архітэктуры;
• Гульнявыя пляцоўкі;
• Майстар-класы;
• Лекцыя па народных музычных інструментах ад Уладзіміра Бярберава;
• Музычная праграма ад гурта “KAS”;
• Лакацыя рэканструктараў (Лучны цір (паслуга платная), бойка на мячах, фотазона, тэатралізаваная сцэнка з жыцця сярэднявечных рыцараў, сярэднявечная магія і медыцына);
• Атмасфера начной беларускай вёскі XIX стагоддзя;
• Традыцыйныя танцы i гульні;
• Начное вогнішча;

Кошт квіткоў:

• для дарослых – 20,00 руб.;
• студэнтаў вышэйшых устаноў адукацыі (студэнцкі білет) – 14,00 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 10,00 руб.;
• для дзяцей дашкольнага ўзросту – бясплатна.

Экспазіцыя музея працуе з 11:00 да 19.00. Каса працуе з 11:00 да :30.

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.
• Экскурсіі ў дзень мерапрыемстваў праводзяцца толькі па папярэднім запісе.

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170С), Чыкі; маршрутнае таксі №1277, №1111, №1026.