Фотасправаздача «Міжнародная канферэнцыя «Памяць продкаў праз музейны свет (Мінулае, сучаснасць і будучыня музеяў пад адкрытым небам)»

26 кастрычніка 2018 года адбылася Міжнародная канферэнцыя «Памяць продкаў праз музейны свет (Мінулае, сучаснасць і будучыня музеяў пад адкрытым небам)».

Канферэнцыя праходзіла ў Нацыянальным мастацкім музеі Рэспублікі Беларусь.

Мэта канферэнцыі – прыцягненне ўвагі даследчыкаў і спецыялістаў да праблем вывучэння, захавання і папулярызацыі культурнай спадчыны; абмеркаванне актуальных праблем, асноўных тэндэнцый і перспектыў развіцця музеяў-скансэнаў ва ўмовах сучаснай соцыякультурнай прасторы.

Праблематыка і асноўныя накірункі работы канферэнцыі:

• Беларускі дзяржаўны музей народнай архітэктуры і побыту: гісторыя станаўлення, перспектывы развіцця;
• Праблемы захавання і рэстаўрацыі помнікаў драўлянага дойлідства і музейных калекцый;
• Вывучэнне музейных калекцый;
• Музеефікацыя помнікаў архітэктуры: абгрунтаванне выбару экспазіцыйнага абсталявання, абмежаванні і магчымасці ў выкарыстанні прасторы помніка;
• Экспазіцыйная работа;
• Метады пабудовы экспазіцыі ў музеях пад адкрытым небам;
• Экспедыцыйная дзейнасць: збор прадметаў музейнага значэння, фіксацыя, навуковая апрацоўка і мастацкая ацэнка аб’ектаў архітэктурнай спадчыны;
• Культурна-адукацыйная дзейнасць музеяў;
• Матэрыяльная і нематэрыяльная культурная спадчына ў этнаграфічных музеях;
• Роля маркетынгавых даследванняў у фарміраванні іміджу музея, уплыў тэндэнцый інфарматызацыі і глабалізацыі на работу музеяў-скансэнаў.

Арганізатар: “Беларускі дзяржаўны музей народнай архітэктуры і побыту”.

Удзельнікі: 14 асоб, у тым ліку прадстаўнікі Беларускага дзяржаўнага музея народнай архітэктуры і побыту, Веткаўскага музея стараабрадніцтва і беларускіх традыцый імя Ф.Р.Шклярава, Музея сельскай гаспадаркі імя кс. Кш.Клюка ў Цеханоўцы (Рэспубліка Польшча), Кастрамскога архітэктурна-этнаграфічнага і ландшафтнага музея-запаведніка “Кастрамская Слабада” (Расійская Федэрацыя).