2 жніўня 2025 года

13.00-14.00

Пякучае сонца і залатое поле, межы якога літасціва схаваў гарызонт. Паветра абпальвае твар і цела. З сабой толькі серп, цурка і надзея. Надзея, што гэтая мука, даўжынёй у жнівень, нарэшце, скончыцца. А яшчэ, надзея на ўраджай, што пракорміць сям'ю да наступнага жніва.

Жніво - гэта барацьба. Барацьба з навакольнай рэчаіснасцю за ўласнае месца пад сонцам і барацьба са слабасцю чалавечага цела. Жніво - квінтэсенцыя народнага календара, тое, дзеля чаго людзі выходзілі вясной араць і сеяць, тое, дзеля чаго ўвесь год выконваліся абрады і рытуалы - дзеля добрага, багатага ўраджаю.

Калі Вы хочаце даведацца больш пра беларускае жніво - музей народнай архітэктуры і побыту чакае Вас.

Вас чакае:

• Расповед пра перыяд жніва на Беларусі;
• Майстар-клас па вырабу лялькі з травы.

Кошт квіткоў:

• для дарослых – 13,00 руб.;
• студэнтаў вышэйшых устаноў адукацыі (студэнцкі білет) – 7 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 7 руб.;
• для дзяцей дашкольнага ўзросту – бясплатна.

Экспазіцыя музея працуе з 11:00 да 19.00. Каса працуе з 11:00 да 18:30.

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.
• Экскурсіі ў дзень мерапрыемстваў праводзяцца толькі па папярэднім запісе.

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170С), Чыкі; маршрутнае таксі №1111, №1026.