Адкрыццё выставы «Ткала бабуля дываны»

Году гістарычнай памяці і Дню народнага адзінства прысвячаецца

17 верасня 2022 года

13:00

Традыцыйны інтэр’ер беларускай хаты немагчыма ўявіць без тканага дывана. Посцілкі і дываны вядомы на землях Беларусі з часоў сярэднявечча. За часы свайго існавання яны прайшлі шлях ад простага ўтылітарнага прадмета да высокамастацкай дэкаратыўнай рэчы. Але выкарыстоўваліся дываны і ў абрадавых дзеях. Гэтая рэч суправаджала чалавека на працягу ўсяго жыцця, ад вяселля да пахавання. Вы дазнаецеся, якую ролю адыгрываў дыван у вясельным абрадзе і дзе рабіліся адмысловыя дываны для пахавання.

На выставе будзе прадстаўлена 40 дываноў з усіх рэгіёнаў Беларусі, якія адлюстроўваюць рэгіянальныя асаблівасці і паказваюць усе асноўныя ткацкія тэхналогіі краіны.

Адкрыццё выставы ў 13:00 у помніку «Царква з в. Барань», на экспазіцыйным сектары «Падняпроўе».

Кошт квіткоў:

• для дарослых – 8,50 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі, студэнтаў вышэйшых устаноў адукацыі (студэнцкі білет) – 4,50 руб.;
• для дзяцей дашкольнага ўзросту – бясплатна.

Экспазіцыя музея працуе з 11:00 да 19:00. Каса працуе з 11:00 да 18:30.

Шаноўныя наведвальнікі!

• Калі ласка, паклапаціцеся пра абутак і вопратку згодна з умовамі надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.

Як нас знайсці?