+375 172905913 +375 175138610 museum@etna.by
Экспазіцыя працуе
11:00-19:00 (ср-вскр)
Каса працуе
11:00-18:30 (ср-вскр)
Міжнародная акцыя «Ноч музеяў»
Галоўная Падзеі Міжнародная акцыя «Ноч музеяў»
Міжнародная акцыя  «Ноч музеяў»
1237

Міжнародная акцыя  «Ноч музеяў»

15 мая 2021 года

з 19:00 да 22:00

Беларускі дзяржаўны музей народнай архітэктуры і побыту далучыцца да міжнароднай акцыі «Ноч музеяў», якая штогод аб’ядноўвае музеі па ўсім свеце. Мы прыслухаліся да меркавання наведвальнікаў і зноў правядзем акцыю ў упадабаным усімі фармаце «Ноч містыкі ў беларускім скансэне»!           

Жыццё нашых продкаў было шчыльна звязана з верай у тагасветныя сілы. На думку сялян, ад іх добразычлівасці залежаў дабрабыт, ўраджай, здароўе. Людзі шчыра баяліся сустрэць русалку, пакрыўдзіць дамавіка, або мець справы з балотнікам. І ўсяляк гэтага пазбягалі.           

У вас ёсць унікальная магчымасць правесці вечар у нашым музеі, пагрузіцца ў містычную атмасферу беларускіх легенд і вераванняў, сам насам сустрэцца з міфічнымі сіламі!           

Магічнае музычнае суправаджэнне забяспечыць гурт «Няміга», які пакарае сэрцы шчырасцю і эмацыйпасцю. Кожная іх песня – гэта асобная гісторыя, якая адкрые для вас нешта важнае – проста слухайце ўважліва.            

Вас чакае:         

  • Атмасфера беларускай вёскі ХIХ стагоддзя;        
  • Аўтэнтычныя пабудовы і прадметы побыту;        
  • Выступленне гурта «Няміга»;        
  • Майстар-класы (пляценне з нітак, вышыўка і інш.);        
  • Квэст;        
  • Традыцыйныя гульні і танцы;        
  • Традыцыйная і эксклюзіўная містычная экскурсія;        
  • Міфічныя персанажы;        
  • Начное вогнішча.            

Кошт квіткоў:           

для дарослых – 10 руб.;

для школьнікаў, студэнтаў вышэйшых устаноў адукацыі (студэнцкі білет), навучэнцаў прафесійна-тэхнічных, сярэдне-спецыяльных устаноў адукацыі – 5 руб.;

для дзяцей дашкольнага ўзросту – бясплатна. 

Экспазіцыя музея працуе з 11:00 да 19:00. Каса працуе з 11:00 да 18:30. 

Шаноўныя наведвальнікі!

Калі ласка, паклапаціцеся пра абутак і вопратку згодна з умовамі надвор’я.

Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.

Чытайце таксама
Свята  «Купалле» («У нас сягоння Купалачка»)
42
Свята «Купалле» («У нас сягоння Купалачка»)

Свята ў гонар летняга сонцавароту – адзін з галоўных рытуалаў нашых продкаў. Гэта незвычайны...

Тэатральная пастаноўка "Збянтэжаны Саўка"
534
Тэатральная пастаноўка "Збянтэжаны Саўка"

13 сакавіка на базе Азярцоўскай СШ прайшоў дэбютны паказ пілотнага праекта Установы "Беларускі...

Свята  «Стаў сноп на сто коп»  (Зажынкі)
992
Свята «Стаў сноп на сто коп» (Зажынкі)

30 ліпеня 2022 года запрашаем пабачыць традыцыі, звязаныя з уборкай ураджаю, пачуць традыцыйныя...