У помніку архітэктуры “Вяночны двор з вёскі Бракава Слабада Чавускага раёна” ў Міжнародны дзень музеяў адбудзецца адкрыццё выставы, прысвечанай рамяству шапавалаў, якое ўключана ў спіс нематэрыяльнай спадчыны Беларусі.
Выстава “Падняпроўскае шапавальства” працягвае азнаямленне наведвальнікаў з промысламі і рамёствамі беларусаў, адлюстраванне якіх у музейнай экспазіцыі стала практыкай, адным з накірункаў яе развіцця і ўзбагачэння.
У комплексе двара можна ўбачыць памяшканне для ўтрымання авечак, паветку з унікальнай машынай-воўначоскай, майстэрню шапавала з поўным камплектам прыладаў для працы. У клеці і хаце помніка можна пабачыць гатовыя вырабы з воўны: валёнкі, верхняе адзенне, шапкі-магеркі. Падчас мерапрыемства ўсе жадаючыя змогуць паўдзельнічаць у майстар-класе па дэкаратыўнаму “сухому валянню”.
Запрашаем наведаць выставу!
17.03.2018г. Абрадавае мерапрыемства «Гуканне вясны»!
Дарагія наведвальнікі! 11 лістапада 2023 года Беларускі дзяржаўны музей народнай архітэктуры і...
06.01.2019г. адбылося абрадавае мерапрыемства «Тры каралі» на тэрыторыі музея!
11.11.2018г. адбылося мерапрыемства «Дзень каваля».