Мы рады абвясціць аб адкрыцці новай выставы – «Аб’яднаныя адным ручніком»!

16 чэрвеня 2023 г. у 14.00

У ёй прадстаўлены каля 100 прадметаў тэкстылю, што адлюстроўваюць ткацкія традыцыі Палесся – рэгіёна, што дзякуючы свайму геаграфічнаму размяшчэнню, да пачатку ХХ ст. захоўваў найбольш архаічныя рысы славянскай культуры.

На выставе дэманструюцца ручнікі, народнае адзенне, як уласна палескіх ткацкіх традыцый, так і ўзоры тэкстылю, што адлюстроўваюць пранікненне на гэтыя землі арнаментаў, тэхналогій, формаў з суседніх рэгіёнаў, іх інтэрпрэтацыю і адаптацыю мясцовымі майстрамі.

Экспазіцыю склалі прадметы з калекцыі музея і прыватнага збору майстра народнай творчасці Галіны Мікалаеўны Безбародка.

Галіна Мікалаеўна нарадзілася на Чаркашчыне, вырасла ў г. Звянігародка. Працавала ў Нацыянальным цэнтры мастацкай творчасці дзяцей і моладзі г. Мінска, дзе ў 1974 г. стварыла студыю народнага дэкаратыўна-прыкладнога мастацтва «Бусляня». Са студэнцкіх часоў збірае традыцыйны тэкстыль, народныя строі Украіны, Беларусі, Расіі. Яе збор налічвае каля 1000 прадметаў – старадаўнія ручнікі з каноплі, лёну і бавоўны, адзенне, побытавыя рэчы. Большасць прадметаў суправаджаюцца гісторыямі людзей, якім яны належылі.

Завітайце ў музей на ўрачыстае адкрыццё экспазіцыі і знаёмства з цікавым, таленавітым чалавекам!

Экспазіцыя размешчана ў помніку архітэктуры «Спаса-Праабражэнская царква з в. Барань» (сектар «Падняпроўе»). 

Кошт квіткоў:

• для дарослых – 10,00 руб.;
• студэнтаў вышэйшых устаноў адукацыі (студэнцкі білет) – 5,00 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 5,00 руб.;
• для дзяцей дашкольнага ўзросту – бясплатна.

Экспазіцыя музея працуе з 11:00 да 19.00. Каса працуе з 11:00 да 18.30.

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы.
• Квіткі і сувеніры ў касе вы можаце набыць па безнаяўным і наяўным разліку.

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170С), Чыкі; маршрутныее таксі: №1277, №1111, №1026; аўтобус№150.