Абрадавае мерапрыемства «Грамніцы»

16 лютага 2019 года 

з 14:00 да 15:00

Грамніцы – дзень сустрэчы зімы з летам, свята свечкі і «жывога агню», што, паводле язычніцкіх вераванняў, абараняе чалавека ад злых духаў. Адно з нерухомых свят народнага календара, якое адзначаецца 2 лютага ў католікаў, 15 лютага ў праваслаўных вернікаў.

У Беларускім дзяржаўным музеі народнай архітэктуры і побыту вы зможаце паглядзець як святкавалася гэта традыцыя на Беларусі.  Даведаецеся навошта людзі захоўвалі грамнічныя свечкі на працягу года, пачуеце першыя веснавыя песні і зможаце павадзіць карагоды каля вогнішча!

Калі будзе добрае снежнае надвор’е, наведвальнікі змогуць прыняць удзел у конкурсе па вырабу снежнай бабы! Самыя актыўныя ўдзельнікі атрымаюць падарункі ад музея.

Вас чакае:

• Рэканструкцыя абраду в. Баршчоўка, Добрушскага раёна Гомельскай вобласці;
• Майстар-клас па вырабе грамнічнай свечкі;
• Частаванне гарбатай з зёлак;
• Беларускія народныя забавы і танцы;
• Карагоды, спевы каля вогнішча.

Падчас мерапрыемства за дадатковую плату можна:

• набыць сувеніры ад народных майстроў у касе музея;
• палятаць на мотадэльтаплане (пры наяўнасці спрыяльных умоў!);
• наведаць «Беларускую карчму», якая знаходзіцца на тэррыторыі музея.

Запрашаем прыняць удзел у абрадавым мерапрыемстве «Грамніцы» на тэрыторыі музея!

Кошт квіткоў:

• для дарослых – 6,50 руб.;
• для школьнікаў, студэнтаў вышэйшых устаноў адукацыі (студэнцкі білет), навучэнцаў прафесійна-тэхнічных, сярэдне-спецыяльных устаноў адукацыі – 4,00 руб.;
• для дзяцей дашкольнага ўзросту – бясплатна.

Экспазіцыя музея працуе з 10:00 да 17:00. Каса працуе з 10:00 да 16:30.

Шаноўныя наведвальнікі!

• Калі ласка, паклапаціцеся пра абутак і вопратку згодна з умовамі надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.