Фотасправаздача «Абрадавае мерапрыемства «Пакроўскі кірмаш» 14 кастрычніка 2018 г. Восень з’яўляецца пераломным момантам у жыцці прыроды. Людзі рыхтуюцца да зімы, заканчваюць палявыя работы і ў гэтую пору адзначаюць старажытнае земляробчае свята – Пакровы. Да свята звычайна завяршаліся ўсе палявыя работы на полі і ў садзе, уцяпляліся жыллё і гаспадарчыя пабудовы. У народзе гавораць: “Пакровы пакрываюць траву лістам, зямлю снегам, ваду лёдам, а дзяўчат шлюбным чэпцам” таму менавіта на Пакровы пачыналася пара вяселляў...

Фотасправаздача «Прафесійнае свята «Дзень настаўніка» 6 кастрычніка 2018 г.   Настаўнікі здаўна былі самымі паважанымі людзьмі на весцы. У першую нядзелю кастрычніка ў Беларусі адзначаецца Дзень настаўніка. Кожны год музей ладзіць прафесійнае свята ў гонар настаўнікаў, дзе віншуюць і дзякуюць тых, хто сёння навучае і настаўляе нашых дзяцей. 

Фотасправаздача «Абрадавае мерапрыемства «Багач» 22 верасня 2018 г.   Багач – старадаўняе свята ўраджаю, прымеркаванае да восеньскага раўнадзення. Да гэтага часу скончваліся ўсе палявыя працы, як казалі ў народзе: «Багач заткнуў у страху рагач». З гэтага часу ўся праца пераносілася на падворак, у гумно, ёўню, млын. Нарэшце ўвесь хлеб сабраны, і можна аддзячыць Маці-Зямлю за добры ўраджай. Сама назва свята адсылае нас да багацця, дастатку і дабрабыту, які селянін атрымліваў пасля ўборкі ўраджаю. На Багач усёй вёскай...