Выстава калысак «Край майстроў»

Выстава калысак «Край майстроў» адлюстроўвае важную частку матэрыяльнай культуры нашых продкаў, дэманструе разнастайнасць дзіцячай сялянскай мэблі і раскрывае функцыянальнае прызначэнне экспанатаў і іх ролю ў абрадах і павер’ях беларусаў.

На выставе можна пабачыць прыклады як ахраічнай дзіцячай мэблі, так і мэблі для дзяцей высокамастацкга вырабу. Зэдлікі з карэнішча ствалоў, якія прадстаўлены на выставе, пазбаўлены роўных пласкасцей і прамых ліній, з’яўляюцца ассіметрычнымі. Самыя цёплыя ўражанні здольна выклікаць функцыянальнае прызначэнне такіх прадметаў як «хадункі» і «стойкі».

У наведвальнікаў будзе магчымасць даведацца не толькі пра тэхніку вырабу калысак з розных матэрыялаў, але і пра звычаі, абрады і вераванні, звязаныя са з’яўленнем на свет дзіцяці і яго выхаваннем, а таксама зрабіць цудоўныя фотаздымкі ў прадугледжанай для наведвальнікаў фотазоне.

Запрашаем святкаваць Дзень маці разам з Беларускім Скансэнам!