+375 172905913 +375 175138610 museum@etna.by
Экспазіцыя працуе
11:00-19:00 (ср-вскр)
Каса працуе
11:00-18:30 (ср-вскр)
Топ-10 падзей у музеі ў 2024 годзе
Галоўная Падзеі Топ-10 падзей у музеі ў 2024 годзе
Топ-10 падзей у музеі ў 2024 годзе
125

Беларускі дзяржаўны музей народнай архітэктуры і побыту віншуе ўсіх

з Новым годам і Калядамі!

Няхай кожны дзень надыходзячага года будзе яркім і незабыўным! Няхай у Вашым жыцці цуды здараюцца часцей, чым пра іх паспееце памарыць! Падзеі, якія ўзнікаюць, хай будуць прыемнымі, значнымі і прыгожымі, а жыццё – паспяховым і шчаслівым!

Адыходзячы год быў багаты на яркія і цікавыя падзеі для нашага музея, таму мы вырашылі падзяліцца імі!

  1. Мерапрыемства "Партызанскі дуб”, прысвечанае 80-годдзю вызвалення Беларусі і ў гонар партызанскага руху.

28 чэрвеня 2024 года на тэрыторыі Беларускага дзяржаўнага музея народнай архітэктуры і побыту супрацоўнікі газеты "Культура" і часопіса "Мастацтва" далі старт Рэспубліканскай акцыі і пасадзілі дуб з Ліпічанскай пушчы.

У Ліпічанскай пушчы размешчана адна з найстарэйшых дубраў Беларусі. Дубам у ёй больш за 200 гадоў. Дуб можа дасягаць узросту больш за 500 гадоў і мець таўшчыню ствала больш за 4 метры ў дыяметры.

Ліпічанская пушча ўпісала сваю яркую старонку ў гісторыю Вялікай Айчыннай вайны. Тут знайшлі сховішча партызанскія атрады і размяшчаўся партызанскі шпіталь. Мясцовымі партызанамі было пушчана пад адхон 267 эшалонаў ворага, падарвана 50 мастоў, разгромлена больш за 60 гарнізонаў захопнікаў. Немцы прыклалі шмат намаганняў, каб выбіць партызан з пушчы і захапіць яе, але ім гэта не ўдалося. Нягледзячы на некалькі блакад і ўпартыя баі з пераўзыходзячымі сіламі ворага, яна засталася непераможанай. 12-13 ліпеня 1944 года байцы 2-га Беларускага фронту сустрэліся з партызанамі ў Ліпічанскай пушчы. Да гэтага моманту ў пушчы дзейнічалі чатыры брыгады і два асобныя атрады – звыш 3200 чалавек. Радасці з нагоды вызвалення не было канца!

Адзначым, што акцыя працягваецца, і ў гонар партызанскага руху прапануем Вам пасадзіць дуб як сімвал мужнасці і стойкасці!

2. Акцыі ў музеі

На працягу ўсяго года музей абнаўляў старыя і прыдумляў новыя акцыі і міні-мерапрыемствы выхаднога дня для наведвальнікаў. Пры аплаце ўваходнага білета кожны ахвочы мог паўдзельнічаць у іх. Пералік настолькі разнастайны, што мы вырашылі згадаць толькі найбольш яркую і папулярную.

Адна з акцый "Цуд на Каляды" да святкавання Калядаў і Новага года.

У чароўныя калядныя дні, калі ўсё вакол замірае, людзі чакаюць цудаў і мараць аб выкананні жаданняў, Беларускі дзяржаўны музей народнай архітэктуры і побыту запрашаў наведаць акцыю «Цуд на Каляды» і адчуць атмасферу народных традыцый і зімовага хараства!

  1. Выстава «Традыцыйны гужавы транспорт беларусаў»

Пад гужавым транспартам разумеюць транспартныя сродкі, дзе ў якасці цяглавай сілы выкарыстоўваецца рабочая жывёла. На тэрыторыі Беларусі асноўнай цяглавай сілай традыцыйна былі конь і вол. Жывёлу запрагалі ў воз ці сані пры дапамозе выязной вупражы – хамутовай (для каня) і ярэмнай (для вала). Канструкцыя і знешні выгляд транспартных сродкаў адлюстроўвалі сезонныя ўмовы іх выкарыстання, функцыянальнае прызначэнне, сацыяльную прыналежнасць гаспадара. Гужавыя транспартныя сродкі можна падзяліць на 2 вялікія групы: колавыя (летнія) і палазныя (зімнія). Паводле функцыянальнага прызначэння сярод мноства тыпалагічных варыянтаў колавага і палазнога транспарту вызначаюць рабочыя і выязныя транспартныя сродкі.

У прасторы помніка архітэктуры “Пуня з в. Ваўкаўшчына Міёрскага раёна” для наведвальнікаў адкрылася выстава-экспазіцыя “Традыцыйны гужавы транспарт беларусаў” у абноўленым архітэктурна-мастацкім вырашэнні.

  1. Камерцыйнае мерапрыемства года «НАЧНЫ ЗАБЕГ»

Пры падтрымцы ААТ «ААБ Беларусбанк» ужо другі раз у гісторыі музея, у ноч з 6 на 7 ліпеня па тэрыторыі Беларускага дзяржаўнага музея народнай архітэктуры і побыту прайшоў начны легкаатлетычны забег.

Маршрут быў пракладзены сярод прыгожых помнікаў драўлянага дойлідства – старажытных сядзіб, школы, цэркваў, млыноў, а яшчэ крыху па навакольных лугах і гаях, па абрывістых берагах вадасховішча Пціч.

  1. Падзейнае мерапрыемства года.

    Свята «Купалле ў Азярцы» («У нас сягоння Купалачка»)

Свята ў гонар летняга сонцастаяння - адзін з галоўных рытуалаў нашых продкаў. Гэта незвычайная пара, калі сонца на небе «гуляе і пераліваецца» асабліва ярка.

Перад купальскай ноччу дзяўчаты хадзілі на паляны збіраць травы і абмяркоўваць, як будуць варажыць. Лічылася, што травы, сабраныя ў купальскі час, валодаюць лячэбнай і цудадзейнай сілай. Хлопцы таксама не сядзелі, склаўшы рукі. Трэба было падрыхтаваць сухія галінкі для вогнішча, а потым пераапрануцца ў чарцей або ў вадзяных, каб напалохаць дзяўчат. Праз вогнішча скакалі ўсе - і моладзь, і старыя. Лічылася, што купальскі агонь знішчае ўсё зло, якое перашкаджае жыццю чалавека.

У адыходзячым годзе свята "Купалле ў Азярцы" ("У нас сягоння Купа-лачка") стаў адным з самых маштабных мерапрыемстваў у нашым музеі.

Станоўчыя эмоцыі і яркія ўражанні засталіся ў нашых дарагіх наведвальнікаў.

6. Персанаж года «Масленіца»

Маслёнка - старажытнае свята заканчэння зімы і сустрэчы вясны. У розных мясцовасцях таксама можна было пачуць такія назвы свята, як Загавіны, Запусце, Папялец, Аўлассе.

Падрыхтоўка да свята пачыналася загадзя. Гаспадыні старана прыбіралі дом і двор, гатавалі святочныя стравы. Увесь святочны тыдзень ужывалі шмат малочных прадуктаў і бліноў, наведвалі сваякоў і весяліліся. Актыўныя забаўкі ўключалі ў сябе катанне на конях, арэлях і ледзяных горках.

Увага вясковай абшчыны на свяце была накіравана на маладых нежанатых юнакоў і незамужніх дзяўчат. Да іх прыходзілі ў госці і вешалі на шыю кавалак бервяна - калодку. Такім чынам сельская абшчына клапацілася аб працягу роду і нагадвала аб неабходнасці стварэння сям'і.

У гэтым годзе, адным з галоўных персанажаў у нашым музеі стала Масленіца.

  1. Музейна-педагагічныя заняткі года “Вячоркі”

Музейна-педагагічны занятак «Вячоркі» - гэта спазнанне звычаяў Піліпаўскага паста, праламленае  праз школьны урок-занятак, дзе можна ўбычыць музейныя прадметы, якія выкарыстоўваліся ў прадзенні і ткацтве, пачуць музыкальныя найгрышы на скрыпцы і народныя песні, якія выконваліся ў час сустрэч моладзі за вячэрняй працай доўгімі зімовымі вечарамі ў мінулым і пазамінулым стагоддзях.

  1. Музейная рэстаўрацыя «Cаламяныя царскія вароты»

Копія саламяных царскіх варотаў з вёскі Лемяшэвічы Пінскага раёна Брэсцкай вобласці была падрыхтавана да часовай экспазіцыі вырабаў мастацкага саломапляцення, якая дзейнічала ў 2024 г. як працяг выставы “Поўны клеці карабамі…”. Вароты - гэта твор народнага мастака Беларусі Ларысы Мікалаеўны Лось, зроблены ёй з арыгінала ў 1988-1989 гг. Арыгінальныя вароты захоўваюцца ў фондах Нацыянальнага мастацкага музея Беларусі. У варотах выкарыстаны дзве мастацкія тэхнікі пляцення з жытняй саломы: “круглы шнур” і “плоскаплеценыя квадраты”. Рэстаўратары нашага музея пасля паступлення гэтага ўнікальнага экспаната здзейснілі працы па ачыстцы яго паверхні, выправілі дэфармацыю канструкцыі кароны, пэўных участкаў саломы і правялі поўную кансервацыю аб’екта.

У экспазіцыі прадстаўлена копія саламяных царскіх варотаў з вёскі Лемяшэвічы Пінскага раёна Брэсцкай вобласці. Гэта твор народнага майстра Беларусі Ларысы Мікалаеўны Лось, зроблены ёй з арыгінала ў 1988-1989 гг. Арыгінальныя вароты захоўваюцца ў фондах Нацыянальнага мастацкага музея Беларусі. У варотах выкарыстаны дзве мастацкія тэхнікі пляцення з жытняй саломы: “круглы шнур” і “плоскаплеценыя квадраты”.

Рэстаўратары нашага музея, пасля паступлення гэтага ўнікальнага экспаната, правялі работы па ачыстцы яго паверхні, выправілі дэфармацыю канструкцыі кароны, некаторых участкаў саломы і правялі поўную кансервацыю аб'екта.

  1. Відэа года

    «Збянтэжаны Саўка» - аматарскі спектакль супрацоўнікаў музея, як новая форма культурна-адукацыйнай працы

 

Усяго за некалькі кіламетраў ад горада Мінска, пад адкрытым небам, раскрыў свае прасторы для наведвальнікаў Беларускі дзяржаўны музей народнай архітэктуры і побыту.

Месца, дзе не толькі беражліва захоўваюцца традыцыі мінулага, але і ўкараняюцца новыя формы працы.

Адной з такіх формаў з'яўляецца спектакль, ролі ў якім выконваюць супрацоўнікі музея пад чулым кіраўніцтвам рэжысёра Эдуарда  Багдановіча.

Паглядзець можна тут:

https://www.tiktok.com/@etna.by/video/7442625044074745144?is_from_webapp=1&sender_device=pc&web_id=7454127466413999622

Ці тут:

https://t.me/etnaby/3408

  1. Праект года

У 2024 годзе выйшаў 11-ы нумар Беларускага гістарычнага часопіса (таксама вядомага як "БГЧ").

На яго старонках упершыню рэалізаваны ўнікальны міжнародны праект «Традыцыі народнай культуры ў музейнай прасторы Беларусі і Расіі».

Нумар прысвечаны Беларускаму дзяржаўнаму музею народнай архітэктуры і побыту і яго партнёрам з Расійскай Федэрацыі — Дзяржаўнаму музею “Смаленская крэпасць”, Навасібірскаму дзяржаўнаму краязнаўчаму музею, Іркуцкаму абласному архітэктурна-этнаграфічнаму музею “Тальцы”.

Бонус. «Усмешка года» (галоўны герой мерапрыемства «Клёцкі з душамі»)

 

Чытайце таксама
Культурнае мерапрыемства «Строчыцкія перазвоны-2024»
303
Культурнае мерапрыемства «Строчыцкія перазвоны-2024»

Х штогадовы фэст звону пад адкрытым небам «Строчыцкія званы-2024» («Звані з намі ва ўсе…!!!»)...

Абрады на Каляды! Што захавалася да нашага часу?
1735
Абрады на Каляды! Што захавалася да нашага часу?

Рэпартаж тэлеканала АНТ пра мерапрыемства «Каляды»

Фотасправаздача «Прафесійнае свята «Дзень настаўніка»
2516
Фотасправаздача «Прафесійнае свята «Дзень настаўніка»

06.10.2018г. адбылося прафесійнае свята «Дзень настаўніка» на тэрыторыі музея!

Фотасправаздача «Эпоха рыцарства»
3773
Фотасправаздача «Эпоха рыцарства»

02 і 03.06.2018г. Паглыбленне ў гісторыю заходнееўрапейскага і беларускага Сярэднявечча!