14 верасня 2024 года

13:00 да 14:00

«Жаніцьба коміна»  – сакральны абрад першага восеньскага запальвання святла ў хаце. Комін – прылада для асвятлення сялянскай хаты ў вечаровы час у выглядзе конусападобнай трубы, якая выходзіць вонкі праз столь і дах. Ён мог прымяркоўвацца да дзвюх датаў: увесну – да Фамінога тыдня (паводле А. Я. Багдановіча), увосень – да дня Сымона/Сямёна Стоўпніка (14 верасня). Комін абвязвалі хмелем, стужкамі, новымі ручнікамі, упрыгожвалі кветкамі, абсыпалі насеннем (гарбузікамі), зернем, таксама хмелем, у «каганец» падлівалі гарэлку, кідалі скрылёчкі сала, масла.

Запрашаем усіх жадаючых наведаць Беларускі дзяржаўны музей народнай архітэктуры і побыту, каб пазнаёміцца бліжэй з абрадам «Жаніцьба коміна».

Вас чакае:                                                                        

• Расповед пра абрад «Жаніцьба коміна»;
• Відэапаказ абрада з в. Дзяржынск Лельчыцкага раёна;
• Майстар- клас па ўпрыгожванні «Коміна»;
• Традыцыйные танцы і гульні.

За дадатковую плату можна:

• набыць сувеніры ад народных майстроў;
• наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 12 руб.;
• студэнтаў вышэйшых устаноў адукацыі (студэнцкі білет) – 6 руб.; 
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 6 руб.;
• для дзяцей дашкольнага ўзросту – бясплатна.

Экспазіцыя музея працуе з 11:00 да 19:00. Каса працуе з 11:00 да 18:30.

Шаноўныя наведвальнікі!

• Калі ласка, паклапаціцеся пра абутак і вопратку згодна з умовамі надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы.

Квіткі і сувеніры ў касе вы можаце набыць па безнаяўным і наяўным разліку.

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170с), Паварот да музея (150), Чыкі; маршрутныя таксі №№1277,1111,1026.