«Цалкам бясплатна – вольная субота:

спасцігаем Беларусь!»

23 мая  2020 года 

з 13:00

Акцыя “Цалкам бясплатна” створана для таго, каб кожны наведвальнік змог даведацца больш аб нашым музеі і беларускай гісторыі. Можна будзе здзейсніць бясплатную экскурсію (аплачваецца толькі ўваходны квіток у музей) па 2 выставам музея.

У Вас ёсць магчымасць праслухаць экскурсію па зусім новай выставе “Сакральная культура ў народным побыце Астравеччыны”, якая адчынена  на помніку архітэктуры “Спаса-Прэабражэнская царква з в. Барань Аршанскага раёна”. Пад час экскурсіі Вы даведаецеся аб выніках экспедыцыйнай дзейнасці музея па Астравецкаму раёну, убачыце старажытныя палеадрукі нямецкага, польскага і літоўскага паходжання, рэдкія каталіцкія драўляныя бажніцы з літаграфіямі, вырабленыя мясцовымі цеслярамі, а таксама музейныя прадметы, звязаныя з пахавальнай традыцыяй. Асобнае месца на выставе ўдзелена творчасці мясцовага народнага “самародка”, мастака і скульптара Юліцыі Кармазо, вядомай сваімі іканапіснымі творамі.

Другім экскурсійным падарункам нашым наведвальнікам будзе агляд выставы “Гоніць гэблік стружку залатую”. Гэтая выстава працягвае традыцыю прадстаўлення ў музеі папулярных беларускіх народных рамёстваў. Яна размешчана ў помніку “Гумно з в. Кемянцы Браслаўскага раёна” і знаёміць наведвальнікаў з тэмай дрэваапрацоўцы праз дэманстрацыю цеслярскіх, бандарных і іншых інструмантаў і спецыяльных дрэваапрацоўчых станкоў і дапаможных прыстасаванняў.

Пачатак экскурсіі з 13.00 на ўваходзе ў сектар “Цэнтральная Беларусь” (мапа музея). Экскурсія будзе праходзіць пры зборы групы да 10 чалавек!  

Чакаем Вас на захапляльнае падарожжа ў Краіну сакральных каштоўнасцей і ўзораў творчасці народных майстроў! 

Калі ласка, апранайцеся ў адпаведнасці з умовамі надвор'я!

Кошт квіткоў:

• для дарослых – 7 руб.;
• для школьнікаў, студэнтаў вышэйшых устаноў адукацыі (студэнцкі білет), навучэнцаў прафесійна-тэхнічных, сярэдне-спецыяльных устаноў адукацыі – 4 руб.;
• для дзяцей дашкольнага ўзросту – бясплатна.

Экспазіцыя музея працуе з 11:00 да 19:00. Каса працуе з 11:00 да 18:30.

Шаноўныя наведвальнікі!

• Калі ласка, паклапаціцеся пра абутак і вопратку згодна з умовамі надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.

Падчас мерапрыемства за дадатковую плату можна:

• набыць сувеніры ад народных майстроў у касе музея;
• палятаць на мотадэльтаплане (пры добрым надвор’і);
• наведаць «Беларускую карчму», якая знаходзіцца на тэррыторыі музея;

Запрашаем прыняць удзел у мерапрыемстве «Цалкам бясплатна»  на тэрыторыі музея!