+375 172905913 +375 175138610 museum@etna.by
Экспазіцыя працуе
11:00-19:00 (ср-вскр)
Каса працуе
11:00-18:30 (ср-вскр)
Свята «Масленіца-2025»
Галоўная Падзеі Свята «Масленіца-2025»
Свята  «Масленіца-2025»
951

 1 сакавіка 2025 года

з 12.00 да 16.00

Масленкадаўняе свята заканчэння зімы і сустрэчы вясны. У розных мясцовасцях можна было пачуць і такія назвы свята як Загавіны, Запусты, Папелец, Аўлассе.Падрыхтоўка да свята пачыналася загадзя. Гаспадыні старанна прыбіралі хату і двор, рыхтавалі святочныя стравы. Напрацягу ўсяго святочнага тыдня ўжывалі шмат малочных прадуктаў і бліноў, хадзілі ў госці да сваякоў і весела бавілі час. Сярод актыўных забаў – катанне на конях, арэлях і ледзяных горках.Не абміналі ўвагай на свята маладых нежанатых хлопцаў і незамужніх дзяўчат. Да іх прыходзілі ў госці і вешалі на шыю кавалак бервяна – “калодку”. Такім чынам вясковая грамада клапацілася пра працягненне роду і нагадвала пра неабходнасць знаходжання сабе пары.Традыцыйныя абрады, вясёлыя гулянні, танцы, спевы– усё гэта чакае Вас на свяце ў Беларускім дзяржаўным музеі народнай архітэктуры і побыту! 

Вас чакае:

  • Масленічныя гульні і забавы для дзяцей і дарослых;
  • Музычная праграма;
  • Хэдлайнер;
  • Фальклорныя гурты;
  • Майстар-класы для дзяцей і дарослых;
  • Ценявы тэатр «Вяртэп»;
  • Лялечны тэатр «Батлейка»;
  • Рэканструкцыя абрада «Пахаванне Дзеда» (Гарадоцкі раён, Віцебская вобласць);
  • Рэканструкцыя абрада «Наведванне маладухі»;
  • Масленічны слуп з прызамі;
  • Экскурсии ў помніках архітэктуры;
  • Лакацыі рэканструктараў;
  • Спальванне пудзіла зімы – «Марэны»;

 

За дадатковую плату можна:

- набыць сувеніры ад народных майстроў;

- наведаць «Беларускую карчму», якая знаходзіцца на тэрыторыі музея.

 

Інфармацыя аб папярэднім продажы білетаў будзе апублікавана пазней.

 

Кошт квіткоў:

  • для дарослых – 25,00 руб.;
  • студэнтаў вышэйшых устаноў адукацыі (студэнцкі білет) – 16,00 руб.;
  • для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 12,00 руб.;
  • сямейны квіток – 60 руб.;
  • для дзяцей дашкольнага ўзросту – бясплатна.

 

Экспазіцыя музея працуе з 10:00 да 17.00. Каса працуе з 10:00 да 16:30.

 

Шаноўныя наведвальнікі!

  • Калі ласка, паклапаціцеся аб абутку і вопратцы згодна ўмоў надвор’я.
  • Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
  • На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.
  • Экскурсіі ў дзень мерапрыемства праводзяцца толькі па папярэднім запісе.

 

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170С), 150, Чыкі; маршрутнае таксі №1111, №1026.

Чытайце таксама
Графік работы музея падчас святаў!
2169
Графік работы музея падчас святаў!

Каб вашы выходныя сталі яшчэ больш вясёлымі і займальнымі!

Абрадавае мерапрыемства  «Пакроўскі кірмаш»
987
Абрадавае мерапрыемства «Пакроўскі кірмаш»

16 кастрычніка 2021 года кожны зможа далучыцца да традыцыйнага святкавання Пакравоў!

Мерапрыемства  «Піліпаўскія вячоркі»
625
Мерапрыемства «Піліпаўскія вячоркі»

25 лістапада 2023 года з 15.00 да 16.00   Піліпаўка – менавіта такую назву...