+375 172905913 +375 175138610 museum@etna.by
Экспазіцыя працуе
11:00-19:00 (ср-вскр)
Каса працуе
11:00-18:30 (ср-вскр)
Свята «Гуканне вясны»
Галоўная Падзеі Свята «Гуканне вясны»
Свята  «Гуканне вясны»
703

 

23 сакавіка 2024 года

з 14.00 да 15.30

 

«Гуканне вясны» – абрадавае дзейства, звязанае з адмыканнем і абуджэннем зямлі, набліжэннем цяпла. У розных куточках Беларусі пачыналі гукаць вясну ў свой час – падчас масленічнага тыдня ці на Саракі, з прылётам жаваронкаў ці на Дабравешчанне.

Гукалі вясну гучна, звонка і натхнёна. Дзяўчаты збіраліся разам і пачыналі спяваць «вяснянкі-заклічкі». Верылі, што ў тым канцы вёскі, дзе распачалі спевы раней, дзяўчаты хутчэй пойдуць замуж і будуць мець лепшы ўраджай.

Запрашаем абуджаць зямлю і гукаць вясну разам у музеі пад адкрытым небам!

 

Вас чакае:

  • Выступленне фальклорных калектываў;
  • Рэканструкцыя веснавых абрадаў;
  • Абрад «Запусканне плыта па рацэ з кулем саломы»;
  • Вывучэнне веснавых песень;
  • Майстар-клас па беларускім танцам і гульням;
  • Майстар-клас па вырабу птушак;
  • Майстар-клас па «маляванцы на шкле»;
  • Майстар-клас па выцінанцы;
  • Выстава гліняных птушачак з калекцыі музея (у помніку «Школа з в. Калодчына»);
  • Вогнішча і карагоды!

 

За дадатковую плату можна:

- набыць сувеніры ад народных майстроў у касе музея;

- наведаць «Беларускую карчму», якая знаходзіцца на тэрыторыі музея.

 

Кошт квіткоў:

  • для дарослых – 14,00 руб.;
  • студэнтаў вышэйшых устаноў адукацыі (студэнцкі білет) – 8,00 руб.;
  • для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 7,00 руб.;
  • для дзяцей дашкольнага ўзросту – бясплатна.

 

Прыходзьце на свята за 15 хвілін да пачатку. Пачатак роўна ў 14.00!

Экспазіцыя музея працуе з 10:00 да 17.00. Каса працуе з 10:00 да 16:30.

 

 

Шаноўныя наведвальнікі!

  • Калі ласка, паклапаціцеся аб абутку і вопратцы згодна ўмоў надвор’я.
  • Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
  • На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.
  • Экскурсіі ў дзень мерапрыемства ажыццяўляюцца толькі па папярэднім запісе.

 

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170С), 150, Чыкі; маршрутнае таксі №1277, 1111, 1026

Чытайце таксама
Мерапрыемства  «Дзяды»
624
Мерапрыемства «Дзяды»

4 лістапада 2023 года з 13.00 да 14.00

Знаёмімся з удзельнікамі фестываля!
326
Знаёмімся з удзельнікамі фестываля!

Падчас фестываля гістарычнай рэканструкцыі “Над Менкай” (8 чэрвеня 2024 г.) вы зможаце...

Міжнародны дзень музеяў
3538
Міжнародны дзень музеяў

18.05(серада), прэзентацыя новай выставы "Падняпроўскае шапавальства", насычаная...

Свята  «Дажынкі»
315
Свята «Дажынкі»

25 жніўня 2024 года з 15.00 да 16.00   Адышоў час веснавых пасеваў і апрацоўкі зямлі....