Фотасправаздача «Абрадавае мерапрыемства «Гуканне вясны»

18 сакавіка 2017 года
з 13:00 да 15:00

Гуканне вясны – веснавое свята, якое звязана з абуджэннем прыроды. Надыход вясны быў вельмі доўгачаканым і таму гэтае свята адзначалі заўсёды ўрачыста.

Абрадавае мерапрыемства «Гуканне вясны» – гэта мастацкая рэканструкцыя свята, зробленая паводле этнаграфічных матэрыялаў, дзеля таго каб паказаць адметныя рэгіянальныя традыцыі святкавання. У гэтым годзе дадаткова будзе прадэманстравана Лельчыцкая традыцыя гукання вясны.

Мерапрыемства адметна тым, што дзяўчаты плялі сабе вянкі з барвенка, упрыгожвалі іх стужкамі, перазімаваўшымі журавінамі і апраналі іх на голавы, вадзілі карагоды і спявалі веснавыя песні. Акрамя таго плялі адзін вялікі вянок, які ўрачыста ўскладвалі або закідвалі на адзінокую грушку ці бярозку на ўзгорку. Усё гэта суправаджалася магічна-рытуальнымі дзеяннямі і адпаведнымі веснавымі песнямі-заклічкамі.

Наведвальнкі мерапрыемства змогуць:

• Пазнаёміцца з традыцыяй гукання вясны;
• Паўдзельнічаць у рэканструкцыі Лельчыцкага веснавога абрада і сплесці вялікі вянок;
• Зрабіць на майстар-класах птушак (сімвалы вясны) з розных матэрыялаў і ў розных тэхніках выканання;
• Паглядзець фаер шоў;
• Атрымаць асалоду ад традыцыйнай музыкі, танцаў і гульняў!

У праграме мерапрыемства прымуць удзел фальклорныя гурты г. Мінска, музычны калектыў «Жвавы карчмар» і іншыя.

Падчас мерапрыемства за дадатковую плату можна:

• набыць сувеніры ад народных майстроў;
• наведаць «Беларускую карчму», якая знаходзіцца на тэрыторыі музея.

Запрашаем прыняць удзел у абрадавым мерапрыемстве «Гуканне вясны» на тэрыторыі музея!

Кошт квіткоў:

• для дарослых – 8.00 руб.;
• для дзяцей школьнага ўзросту – 4.00 руб.;
• для дзяцей дашкольнага ўзросту – бясплатна.

Схему праезду глядзіце тут.