21 чэрвеня 2025 года

з 19.00 да 22.00

Купалле – старажытнае летняе свята ў гонар сонца, найвышэйшага росквіту зямлі і прыроды.

У таямнічую купальскую ноч уся вясковая грамада збіралася ля вогнішча, каб спаліць старыя рэчы, павадзіць карагоды і зладзіць вясёлыя гулянні.

Менавіта ў купальскую ноч кожны прагнуў адшукаць папараць-кветку і авалодаць усімі ведамі зямлі. А вядзьмаркі і чараўнікі карысталіся магчымасцю ператварыцца на адну ноч у змей, каб нарабіць шкоды людзям.

Беларускі дзяржаўны музей народнай архітэктуры і побыту запрашае далучыцца да прыгожага і чароўнага летняга свята!  

Вас чакае:

• Пляценне вянкоў;
• Купальскае шэсце з традыцыйнымі песнямі;
• Вогнішча: карагоды, гульні, скокі;
• Варожбы на вянках і зеляніне;
• Чарадзейныя казкі;
• Майстар-клас па вывучэнню купальскіх песень;
• Майстар-клас па традыцыйным танцам пад беларускія народныя інструменты;
• Майстар-клас па дэкору з травы;
• Майстар-клас па лялькам з травы;
• Рыцарская і “вядзьмачая” пляцоўкі;
• Выступленні фальклорных калектываў.

За дадатковую плату можна:

- набыць сувеніры ад народных майстроў;

- наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 20 руб.;
• студэнтаў вышэйшых устаноў адукацыі (студэнцкі білет) – 12 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 10 руб.;
• для дзяцей дашкольнага ўзросту – бясплатна.

Білеты можна будзе набыць і ОНЛАЙН па сістэме ЕРІП у дзень правядзення мерапрыемства (21.06.2025)

Экспазіцыя музея працуе з 11:00 да 19.00. Каса працуе з 11:00 да 20:00.

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.
• Экскурсіі ў дзень мерапрыемстваў праводзяцца толькі па папярэднім запісе.

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170С), Паварот да музея (150), Чыкі; маршрутнае таксі №1111, №1026.