ФОТАСПРАВАЗДАЧА "МІКОЛЬСКІ ФЭСТ"

22 мая 2016 года
з 13:00 да 15:00

Запрашаем адзначыць разам “Мікольскі фэст”, – свята ў гонар Свяціцеля Мікалая.
Свяціцель Мікалай – найбольш ушанаваны ў народзе святы, цудатворац. На Беларусі яго лічылі адным з ахоўнікаў земляробства, таму да яго ставіліся з асаблівай павагай. У гонар святога называлі вёскі і храмы, ладзілі прастольныя святы з хрэсным ходам да крыніц, дзе святар асвячаў ваду, праводзілі кірмашы. Святкавалі “Мікольшчыну” некалькі разоў на год, вясной 22 мая – “Міколу Вешняга”. Гэта было свята конюхаў, паўсюдна служылі малебны, каб святы збярог коней ад ваўкоў, мядзведзяў і ліхіх людзей. У гэты час пачыналі збіраць лекавыя зёлкі.

У праграме:

• малебен у гонар Святога Мікалая
• канцэрт “Звіняць званы” пад кіраўніцтвам дырэктара Мінскай школы званароў Багдана Бярозкіна
• выстава “Абраз Святога Мікалая Цудатворца ў народнай культуры”
• расповед пра абрад “Мікольская свяча”
• займальная лекцыя пра лекавыя зёлкі ў традыцыйнай культуры
• Мікольскі кірмаш

У межах свята кожны наведвальнік зможа паспрабаваць сябе ў вобразе званара.

Экспазіцыя музея працуе з 11:00 да 19:00. Каса працуе з 11:00 да 18:30.

Кошт квіткоў:
50 000 руб. – дарослыя, 25 000 руб. – школьнікі, 35 000 руб. – студэнты
125 000 руб. – сямейны квіток (2 дарослых + 2 дзіцяці), дзеці дашкольнага ўзросту – бясплатна.

За дадатковую плату:
традыцыйныя беларускія стравы ў карчме і кропках харчавання, лепшыя сувеніры ад народных майстроў, катанне на конях і мотапланеры.

Схему праезду глядзіце тут.