+375 172905913 +375 175138610 museum@etna.by
Экспазіцыя працуе
11:00-19:00 (ср-вскр)
Каса працуе
11:00-18:30 (ср-вскр)
Мерапрыемства “Над Менкай”
Галоўная Падзеі Мерапрыемства “Над Менкай”
Мерапрыемства “Над Менкай”
642

8 чэрвеня 2024 года

13:00 – 21:40

Лязгат мяча на рысталішчы, шпацыр сярэднявечнай дамы па ўскрайку леса, звон цецівы лучніка, пах зёлак і лекаў са стала зяляркі – 8 чэрвеня, на адзін день Беларускі дзяржаўны музей народнай архітэктуры і побыту перанясе гасцей у таямнічыя і загадкавыя часы Сярэднявечча. Кожны зможа адчуць вагу сапраўднага даспеха, дакрануцца да сярэднявечнай зброі, паўдзельнічаць у сярэднявечным кірмашы, адчуць музыку, гоман і сам подых мінулых часоў. Вас чакаюць баі рыцараў, турнір лучнікаў, займальная лекцыя па гісторыі Сярэднявечча, майстар-класы і шматлікія забавы ад рыцарскіх клубаў і супрацоўнікаў музея. Далучайцеся і атрымайце свою часцінку Сярэднявечча!

У праграме:

Разнастайныя майстар-класы ад музейных супрацоўнікаў і чальцоў клубаў гістарычнай рэканструкцыі (сярэднявечныя танцы, магія і медыцына, фехтаванне, кавальства, выраб манет і іншае);

Паказальныя сярэднявечныя баі;

Рыцарскі турнір;

Лучны цір (за дадатковую плату);

Лучны турнір;

Фехтаванне на рэнесанснай рапіры (за дадатковую плату);

Праграма ад клуба “Клан МакВітан” і “Волат”;

Пляцоўка ад клуба “Клан МакВітан” (фотазона, прымерка даспехаў, шатланскія гульні);

Выступленне гурта “Вока Чарота”;

Пляцоўка фонда “Сірын”, дзе вы зможаце пазнаёміцца і сфатаграфавацца (за дадатковую плату) з драпежнымі птушкамі, а таксама пакатацца на кані;

Эфектнае вогненнае шоў;

Лекцыя на тэму: ”Вялікае Княства Літоўскае перад выклікамі экспансіі Тэўтонскага Ордэна ў XIV ст.: ад Патрыка Гарадзенскага да Энтані дэ Люсі” ад гісторыка-медыявіста Алега Іванавіча Дзярновіча;

Сярэднявечны кірмаш;

Экскурсійнае абслугоўванне на помніках сектара “Цэнтральная Беларусь” і з 13.00 да 17.00;

Усё гэтае і шмат чаго іншага Вы зможаце пабачыць на нашым фестывалі!

За дадатковую плату можна:

 набыць сувеніры ад народных майстроў;

 наведаць «Беларускую карчму», якая знаходзіцца на тэрыторыі музея.

Кошт квіткоў:

 для дарослых – 25,00 руб.;

 студэнтаў вышэйшых устаноў адукацыі (студэнцкі білет) – 13,00 руб.;

 для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 13,00 руб.;

 для дзяцей дашкольнага ўзросту – бясплатна;

 сямейны квіток (2 дарослых + 2 дзіцяці) – 70,00 руб.;

Экспазіцыя музея працуе з 11:00 до 19:10. Каса працуе з 11:00 до 18:30.

 

Шаноўныя наведвальнікі!

  • Калі ласка, паклапаціцеся аб абутку і вопратцы згодна ўмоў надвор’я.
  • Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
  • На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.
  • Экскурсіі ў дзень мерапреыстваў ажыццяўляюцца толькі па папярэднім запісе.

 

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170С), Чыкі; маршрутнае таксі №1277, №1111, №1026.

Чытайце таксама
Свята «Грамніцы»
182
Свята «Грамніцы»

Грамніцы – дзень сустрэчы зімы з летам, свята свечкі і «жывога агню».

Cвята  «Купалле» у Азярцы  («У нас сягоння Купалачка»)
983
Cвята «Купалле» у Азярцы («У нас сягоння Купалачка»)

6 ліпеня 2024 года з 18.00 да 21.00   Свята ў гонар летняга сонцавароту – адзін з...

КРАСАВІК У МУЗЕІ ПАД АДКРЫТЫМ НЕБАМ
2357
КРАСАВІК У МУЗЕІ ПАД АДКРЫТЫМ НЕБАМ

Злязайце з «утульнай печы» і далучайцеся да нашых веснавых забаў і традыцыйных святаў!

Свята  «Жаніцьба коміна»
253
Свята «Жаніцьба коміна»

«Жаніцьба коміна» – сакральны абрад першага восеньскага запальвання святла ў хаце.