7 і 8 жніўня 2023 года

з 13.00 да 14.00

Праз стагоддзі захаваліся на нашых землях сціплыя і велічныя будынкі драўляных храмаў.

У наступны панядзелак і аўторак у Вас ёсць магчымасць здзейсніць вандроўку ў музеі пад адкрытым небам адразу па тром помнікам сакральнай архітэктуры – царкве з в.Логнавічы Клецкага раёна, капліцы з в.Каралеўцы Вілейскага раёна і царкве з в.Барань Аршанскага раёна.

Вы пачуеце расповед пра асаблівасці драўлянага хрысціянскага храмабудаўніцтва, з’яўленне ўніяцкай канфесіі на нашых землях, адметныя і незвычайныя прадметы ўнутранага царкоўнага ўбранства.

Прыходзьце на экскурсію, каб паглыбіцца ў разнастайны свет беларускай традыцыйнай культуры!

Збор групы ля карта-схемы на ўваходзе ў экспазіцыйны сектар «Цэнтральная Беларусь».

Вас чакае:

• Экскурсія па помніку архітэктуры «Царква з в.Логнавічы Клецкага раёна Мінскай вобласці»;
• Экскурсія па помніку архітэктуры «Капліца з в.Каралеўцы Вілейскага раёна Мінскай вобласці»;
• Экскурсія па помніку архітэктуры «Царква з в.Барань Аршанскага раёна Віцебскай вобласці».

За дадатковую плату можна:

- набыць сувеніры ад народных майстроў;

- наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 10,00 руб.;
• студэнтаў вышэйшых устаноў адукацыі (студэнцкі білет) – 5,00 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 5,00 руб.;
• для дзяцей дашкольнага ўзросту – бясплатна.

Экспазіцыя музея працуе з 11:00 да 19.00. Каса працуе з 11:00 да 18:30.

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170Э), Паварот да музея (150), Чыкі; маршрутнае таксі №1277, №1111, №1026.