(Мірская Батлейка і Віцебскі “жлоб”)

сумесна з Рэспубліканскім цэнтрам нацыянальных культур (прысвячаецца Дню беларускай мовы)

24 лютага 2024 года

з 14.00 да 16.00

Ужо ў гэтую суботу Вы зможаце паглядзець прадстаўленні народнага лялечнага тэатра!

Вы ўбачыце рэканструкцыю прадстаўленняў 20-30-ых гг. ХХ ст. мірскіх батлеечнікаў – сям’і Сілко: батлеечная дзея “Калядна” (мясцовая інтэрпрэтацыя прадстаўлення “Цар Ірад”) і спектакль “Салдат і чорт”.

Гэтыя прадстаўленні характэрны толькі для Мірскай батлейкі, якая ўнесена ў Дзяржаўны спіс гісторыка-культурных каштоўнасцей Рэспублікі Беларусь як элемент нематэрыяльнай культурнай спадчыны “Традыцыя бытавання народнага лялечнага тэатра ў Карэліцкім раёне Гродзенскай вобласці”. Кіраўнік народнага лялечнага тэатра “Батлейка” установы адукацыі “Мірскі дзяржаўны каледж” – Петрыман Канстанцін Леанардавіч.

“Віцебскі жлоб” – унікальная з’ява ў культурнай прасторы Віцебшчыны. У 2022 г. традыцыйная калядная батлейка “Віцебскі жлоб” атрымала статус элемента нематэрыяльнай культурнай спадчыны Віцебскай вобласці.

Элемент страціў жывое бытаванне яшчэ ў мінулым стагоддзі і застаўся існаваць толькі ў літаратурных крыніцах. Пры аднаўленні батлейкі “Віцебскі жлоб” выкарыстоўваліся запісы этнографаў XIX-XX стст. аб паказах батлеечных прадстаўленняў на тэрыторыі Віцебскай губерні.

Батлейка “Віцебскі жлоб” – гэта лялечны тэатр, які сваёй пабудовай значна адрозніваецца ад звычайнага тыпу беларускай батлейкі тым, што спалучае як статычную частку, так і рухомую. Сам тэатр мае выгляд трохкупальнай царквы, якая стаіць на адпаведнай лаве, і мае адну нішу, дзе знаходзяцца нерухомыя лялькі і тры нішы з рухомымі кружэлкамі, у якіх рухаюцца ценявыя фігуры. Дзеянне суправаджаецца песнямі і кантамі на тэму Наражэння Хрыстова. Уся дзея адбываецца ў цемры, і фігуркі, якія круцяцца ў нішах пры святле свечак, ствараюць магічны чароўны свет. Кіраўнік народнага тэатра лялек “КапялюШ” – Рэцікаў Андрэй Міхайлавіч.

Вас чакае:

• Народны лялечны тэатр “Батлейка” установы адукацыі “Мірскі дзяржаўны каледж”;
• Народны тэатр лялек “КапялюШ”;
• Выступленні творчых калектываў.

За дадатковую плату можна:

- набыць сувеніры ад народных майстроў у касе музея;

- наведаць «Беларускую карчму», якая знаходзіцца на тэрыторыі музея.

Кошт квіткоў:

• для дарослых – 14,00 руб.;
• студэнтаў вышэйшых устаноў адукацыі (студэнцкі білет) – 7,00 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 7,00 руб.;
• для дзяцей дашкольнага ўзросту – бясплатна.

Прыходзьце, калі ласка на свята за 15 хвілін да пачатку!

Экспазіцыя музея працуе з 10:00 да 17:00. Каса працуе з 10:00 да 16:30.

Шаноўныя наведвальнікі!

• Калі ласка, паклапаціцеся аб абутку і вопратцы згодна ўмоў надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.
• Экскурсіі ў дзень мерапрыемства праводзяцца толькі па папярэднім запісе.

Як нас знайсці?

Музей знаходзіцца ў 4-х км ад МКАД за аўтарынкам «Малінаўка» каля аг. Азярцо.

Праезд ад аўтастанцыi «Паўднёва-Заходняя» прыгараднымі аўтобусамі ў накірунках: Мiнск –Дубянцы, Заходнія могілкі (170с), Паварот да музея (150), Чыкі; маршрутныя таксі №№1277,1111,1026.