Культурна-масавае мерапрыемства

«Масленіца»

5 сакавіка 2022 года

з 12:00 да 16:00

Масленіца – старажытнае славянскае свята, якое сімвалізуе провады зімы. Толькі ў нашым музеі вы зможаце па-сапраўднаму акунуцца ў атмасферу самага вясёлага народнага свята, прыняць удзел адразу ў сямі днях масленічнага тыдня і традыцыйных масленічных гуляннях, якія з імі звязаны, а таксама паспрабаваць сябе ў розных гульнях і забавах.             Кульмінацыяй свята стане ўрачыстае спальванне пудзіла зімы – «Марэны»! Гледзячы на гэты ачышчальны агонь, Вы будзеце пазбаўляцца ад усіх няўзгод і няшчасцяў, якія суправаджалі Вас у мінулым і з надзеяй чакаць прыходу сонечных, вясновых дзён.

У гэты дзень будзе прадстаўлена наступная праграма:

• масленічныя гульні і забавы для дзяцей і дарослых;
• паказ беларускага ценявога тэатра «Вяртэп»;
• паказ лялечнага тэатра «Батлейка»;
• правядзенне розных майстар-класаў для дзяцей і дарослых;
• рэканструкцыя абрада «Пахаванне Дзеда» (толькі для дарослых!);
• рэканструкцыя абрада «Немка»;
• рэканструкцыя абрада «Наведванне маладухі»;
• рэканструкцыя абрада «Наведванне жанчыны-павітухі»;
• масленічны слуп з прызамі;
• лакацыі рэканструктараў;
• спальванне «Марэны»;
• фальклорная праграма.

Самых актыўных удзельнікаў свята чакаюць прызы!!!

Падчас мерапрыемства за дадатковую плату можна:

• набыць сувеніры ад народных майстроў у касе музея;
• палятаць на мотадэльтаплане (пры добрым надвор’і);
• наведаць «Беларускую карчму», якая знаходзіцца на тэрыторыі музея.

Запрашаем прыняць удзел у культурна-масавым мерапрыемстве «Масленіца» на тэрыторыі музея!

Кошт квіткоў:

• для дарослых – 17 руб.;
• студэнтаў вышэйшых устаноў адукацыі (студэнцкі білет) – 9 руб.;
• для школьнікаў, навучэнцаў прафесійна-тэхнічных, сярэдне-спецыяльных устаноў адукацыі – 6 руб.;
• сямейны квіток (2 дарослыя асобы і 2 дзіця) – 40 руб.
• для дзяцей дашкольнага ўзросту – бясплатна;

Увага!!! Чакайце ў бліжэйшыя дні звестак аб папярэднім продажы квіткоў.

Экспазіцыя музея працуе з 10:00 да 17:00. Каса працуе з 10:00 да 16:30.

Шаноўныя наведвальнікі!

• Калі ласка, паклапаціцеся пра абутак і вопратку згодна з умовамі надвор’я.
• Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.
• На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы. Квіткі і сувеніры ў касе вы можаце набыць па безнаяўным і наяўным разліку.