Фотасправаздача

«Абрадавае мерапрыемства «Жыцень»

25 жніўня 2018 г.

Збор ураджаю селянін, негледзячы на цяжкую працу і недахоп часу, суправаджаў шэрагам абрадава-магічных дзеянняў.  Дажынкі адзначалі звычайна пасля заканчэння жніва і  апошні дзень суправаджаўся дажыначнымі абрадамі, у аснове якіх ляжаць рытуалы, якія правадзіліся каля апошніх жытнёвых каласоў, якія ў народзе называлі “барада”. Гэтыя каласкі ўпрыгожваюць кветкамі, стужкамі, пад іх кладуць хлеб, соль. Абавязковым атрыбутам свята быў яшчэ апошні сноп і дажыначны вянок, якія дарылі гаспадару. Асноўны  сэнс абрадаў заключыўся ў тым, каб сродкамі сабранага ўражаю забяспечыць ужо будучы ўраджай, здароўе, дабрабыт і працяг роду, падзякаваь продкам за дапамогу ў вырошчванні і зборы ўраджаю.

На дажынках было шмат песен, танцаў, музыкі, каб адзначыць свята ўраджаю ўрачыста, весела, бадзёра і ўсёх грамадой!